ନୀଳଗିରିରେ ଦିନ ଦ୍ୱିପ୍ରହରରେ ସୋନ ନଦୀ ପଠାରୁ ବାଲି ଉଠାଉଛନ୍ତି ମାଫିଆ । ଅଭିଯୋଗ ପରେ ବି ଚୁପ୍ ବସିଛି ପ୍ରସଶାନ, ପାଳି କରି ଘାଟ ଜଗୁଛନ୍ତି ଗ୍ରାମବାସୀ
କନକ ବ୍ୟୁରୋ : ନୀଳଗିରି ତହସିଲ ଅନ୍ତର୍ଗତ ମଙ୍ଗଳାପାଳ ଓ କାଠପାଳ ଅଂଚଳରେ ସକ୍ରିୟ ହୋଇଛନ୍ତି ବାଲି ମାଫିଆ । ସୋନ ନଦୀ ଓ ଏହାର ଅବବାହିକାରେ ଥିବା ଗୋଚର ଜମିରୁ ଦିନ ଦ୍ୱିପ୍ରହରରେ ହେଉଛି ବାଲି ଚୋରା ଚାଲାଣ । ବେଆଇନ ଭାବେ ଶହ ଶହ ଟ୍ରିପ୍ ବାଲି ଚାଲଣ କରିବାରେ ସଫଳ ହେଉଛନ୍ତି ମାଫିଆ । ପ୍ରତିବାଦ କଲେ ଲୋକଙ୍କୁ ଜୀବନରୁ ମାରିଦେବାକୁ ମିଳୁଛି ଧମକ । ହେଲେ ଏସବୁ ଦେଖି ଚୁପ୍ ବସିଛି ପ୍ରଶାସନ । ପ୍ରଶାସନ ନିରବଦ୍ରଷ୍ଟା ପାଲଟିଥିବା ବେଳେ ଗୋଚର ଜମିକୁ ବଂଚାଇବା ପାଇଁ ଅଂଟା ଭିଡ଼ିଛନ୍ତି ଗ୍ରାମବାସୀ । ଦୈନିକ ସକାଳୁ ପାଳିକରି ଘାଟ ଜଗୁଛନ୍ତି ଲୋକେ ।
Kanak News is now on WhatsApp
Join and get latest news updates delivered to you via WhatsApp
ନଦୀ ନିକଟରେ ଥିବା ଗୋଚର ଜମିରୁ ମାଫିଆ ମାନେ ବାଲି ଚୋରି କରି ନେବା ଫଳରେ ୫୦ ଫୁଟ୍ର ବିରାଟ ଗର୍ତ ସୃଷ୍ଟି ହୋଇଛି । ଅନେକ ସମୟରେ ମାଟି ଅତଡ଼ା ଖସିବାରୁ ଜୀବଜନ୍ତୁ ଓ ଅଂଚଳବାସୀ ମୃତ୍ୟୁମୁଖରେ ପଡ଼ୁଛନ୍ତି । ଏପରିକି ବର୍ଷା ଦିନେ ନଦୀ ପାଣି ଗାଁକୁ ପଶିବାର ବିପଦ ରହିଛି । ମାଫିଆ ମାନେ ବାଲି ଚୋରି କରି ଗାଁ ମଧ୍ୟ ଦେଇ ଗାଡ଼ି ଦ୍ରୁତ ଗତିରେ ଚଳାଇବାରୁ ଛୋଟ ଶିଶୁ ଓ ସ୍କୁଲ ପିଲା ମାନେ ଦୁର୍ଘଟଣାର ଶିକାର ହେଉଛନ୍ତି ।
ମାଫିଆଙ୍କ କବଳରୁ ଗାଁକୁ ରକ୍ଷା କରିବା ପାଇଁ ପ୍ରଶାସନକୁ ବାରମ୍ବାର ଅଭିଯୋଗ ପରେ ମଧ୍ୟ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ହେଉନାହିଁ । ତେଣୁ ଆଗାମି ଦିନରେ ଲୋକଙ୍କ ସମସ୍ୟାର ସମାଧାନ ହେଲେ ଗ୍ରାମବାସୀ ଭୋଟ୍ ବର୍ଜନ କରିବେ ବୋଲି କହିଛନ୍ତି ।