ପ୍ରବେଶ କର ମାମଲାରେ ବେଦାନ୍ତ ଭଳି କଂପାନୀଙ୍କୁ ଝଟକା : ରାଜ୍ୟ ସରକାରଙ୍କ ସପକ୍ଷରେ ରାୟ ଦେଲେ ସୁପ୍ରିମକୋର୍ଟ
କନକ ବ୍ୟୁରୋ : ପ୍ରବେଶ କର ମାମଲାରେ ବେଦାନ୍ତ ଭଳି କଂପାନୀ ମାନଙ୍କୁ ଝଟକା । ରାଜ୍ୟ ସରକାରଙ୍କ ସପକ୍ଷରେ ରାୟ ଦେଲେ ସୁପ୍ରିମକୋର୍ଟ । ସର୍ବୋଚ୍ଚ ନ୍ୟାୟାଳୟଙ୍କ ଦ୍ୱାରା ଗଠିତ ୯ ଜଣିଆ ଖଣ୍ଡପୀଠ ରାଜ୍ୟ ସରକାରଙ୍କ ସପକ୍ଷରେ ରାୟ ଶୁଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଧାରା ୩୦୪ ଅନୁଯାୟୀ ପ୍ରବେଶ କର ଲାଗୁ କରିବା ପାଇଁ ରାଜ୍ୟ ସରକାରଙ୍କର କ୍ଷମତା ରହିଛି ବୋଲି ଖଣ୍ଡପୀଠ କହିଛନ୍ତି । ବେଦାନ୍ତ ଆଲୁମିନିୟମ କଂପାନୀ ଓ ଅନ୍ୟମାନେ ଓଡିଶା ପ୍ରବେଶ କର ୧୯୯୯ର ବୈଧତାକୁ ଚ୍ୟାଲେଂଜ୍ କରିଥିଲେ ।
ପୂର୍ବରୁ ସୁପ୍ରିମକୋର୍ଟ ଓ ଓଡିଶା ହାଇକୋର୍ଟ ପ୍ରଦାନ କରିଥିବା ଅନ୍ତରୀଣ ଆଦେଶ ବଳରେ ବ୍ୟାବସାୟିକ ସଂସ୍ଥାମାନେ ଭାରତ ବାହାରୁ ଆମଦାନୀ କରୁଥିବା ଅନୁସୂଚିତ ଦ୍ରବ୍ୟଗୁଡିକ ଉପରେ ପ୍ରବେଶ କର ଦେୟର ୫୦ ପ୍ରତିଶତ ପ୍ରଦାନ କରିଛନ୍ତି । ସେହିପରି ଓଡିଶାରେ ଉତ୍ପାଦିତ ହେଉନଥିବା ଅନୁସୂଚିତ ଦ୍ରବ୍ୟଗୁଡିକ ରାଜ୍ୟ ବାହାରୁ ଅଣାଗଲେ ବ୍ୟବସାୟିକ ସଂସ୍ଥା ଗୁଡିକ ପ୍ରବେଶ କର ଦେୟର ଏକ ତୃତୀୟାଂଶ ପ୍ରଦାନ କରିଛନ୍ତି ।
ତେବେ ସୁପ୍ରିମକୋର୍ଟଙ୍କ ଏହି ଆଦେଶ ବଳରେ ବିଭିନ୍ନ ବ୍ୟବସାୟିକ ସଂସ୍ଥାମାନେ ଅବଶିଷ୍ଟ ପ୍ରବେଶ କର ଦେୟ ବାବଦରେ ପ୍ରାୟ ୧୫ ଶହ କୋଟି ଟଙ୍କା ଏବଂ ତାହା ଉପରେ ସୁଧ ରାଜ୍ୟ ସରକାରଙ୍କୁ ପ୍ରଦାନ କରିବେ ।