କନକ ବ୍ୟୁରୋ : ରାଷ୍ଟ୍ରୀୟ ସ୍ୱୟଂସେବକ ସଂଘ ତଥା ଆରଏସଏସ ପ୍ରମୁଖ ମୋହନ ଭାଗବତ ଏବେ ସଂରକ୍ଷଣକୁ ନେଇ ଦେଇଥିବା ବୟାନ ଚର୍ଚ୍ଚା ହେଉଛି । ଶୁକ୍ରବାର ଦିନ ଭାଗବତ ନାଗପୁର ଠାରେ ଏକ ପୁସ୍ତକ ଲୋକାର୍ପଣ ଉତ୍ସବରେ ଯୋଗଦେଇ ସଂରକ୍ଷଣ ବ୍ୟବସ୍ଥା ଶେଷ କରାଯାଉ ବୋଲି ଆବେଦନ କରିଛନ୍ତି । ସେ କହିଛନ୍ତି କି, ଯେଉଁ ନାଗରିକମାନେ ଦେଶର ବିକାଶ ଚାହୁଁଛନ୍ତି ସେମାନେ ପ୍ରଥମେ ଜାତିପ୍ରଥାକୁ ଶେଷ କରିବାକୁ ଚେଷ୍ଟା କରନ୍ତୁ । ସୂଚନା ଥାଉକି ଏହା ପୂର୍ବରୁ ମୋହନ ଭାଗବତ ଦେଶରେ ବଢୁଥିବା ବେକାରୀ ସମସ୍ୟାକୁ ନେଇ ସରକାରଙ୍କୁ ସମାଲୋଚନା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ନାଗପୁର ଠାରେ ଭାଗବତ କହିଛନ୍ତି ଯେ, ଯେଉଁ ଜିନିଷ ମଣିଷ ଭିତରେ ଭେଦଭାବ ସୃଷ୍ଟି କରୁଛି ତାକୁ ନାଗରିକମାନେ ସମ୍ପୂର୍ଣ୍ଣ ଭାବେ ଅଗ୍ରାହ୍ୟ କରିବାର ସମୟ ଆସିଛି । ଏହା ପୂର୍ବ ପିଢୀର ଭୁଲ ବୋଲି ସେ କହିଛନ୍ତି ।
ସେପଟେ ମୋହନ ଭାଗବତଙ୍କର ଏଭଳି ବୟାନକୁ ଏବେ ଦେଶରେ ସଂରକ୍ଷଣ ବ୍ୟବସ୍ଥା ସହିତ ଯୋଡା ଯାଉଛି । କାରଣ ଦେଶରେ ସଂରକ୍ଷଣ ବ୍ୟବସ୍ଥା ଜାତି ଆଧାରିତ ।