କନକ ବ୍ୟୁରୋ : ଦେଶରେ ଦରବୃଦ୍ଧିର ପ୍ରଭାବ । ଗାଁଠାରୁ ସହର ଅବସ୍ଥା ଅତି ଖରାପ । ଏପ୍ରିଲରେ ସହରରେ ବେକାରି ହାର ୯. ୨୨ ପ୍ରତିଶତ ରହିଥିବା ବେଳେ ଗାଁରେ ଏହା ୭.୧୮ ପ୍ରତିଶତ ରହିଛି । ସେହିପରି ଏପ୍ରିଲରେ ସାରା ଦେଶରେ ବେକାରି ହାର ୭.୮୩ ପ୍ରତିଶତ ରହିଛି । ସେଣ୍ଟର ଫର ମନିଟରିଂ ଇଣ୍ଡିଆନ ଇକୋନମି ବା ସିଏମଆଇଆଇ ଏଭଳି ଏକ ରିପୋର୍ଟ ପ୍ରକାଶ କରିଛି । ହରିୟାଣାରେ ବେକାରି ହାର ସର୍ବାଧିକ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ୩୪.୫ ପ୍ରତିଶତ ବେକାରି ରହିଥିବା ବେଳେ ରାଜସ୍ଥାନରେ ୨୮.୮ ପ୍ରତିଶତ ସହ ଦ୍ୱିତୀୟ ସ୍ଥାନରେ ବେକାରି ରହିଛି । ସେହିପରି ଓଡିଶାର ବେକାରି ହାର ୧.୫ ପ୍ରତିଶତ ରହିଥିବା ବେଳେ ଏହା ତଳକୁ ଆସାମ ୧.୨ ପ୍ରତିଶତ, ଛତିଶଗଡରେ ୦.୬ ପ୍ରତିଶତ ଏବଂ ହିମାଚଳ ପ୍ରଦେଶରେ ୦.୨ ପ୍ରତିଶତ ବେକାରି ରହିଛି । ମାର୍ଚ୍ଚରେ ସହରରେ ବେକାରି ହାର ୮.୨୮ ପ୍ରତିଶତ ରହିଥିବା ବେଳେ ଏପ୍ରିଲରେ ଏହା ୯.୨୨ ପ୍ରତିଶତ ରହିଥିଲା । ସେହିପିରା ମାର୍ଚ୍ଚରେ ଗାଁରେ ବେକାରି ହାର ୭.୨୯ ପ୍ରତିଶତ ଥିବା ବେଳେ ଏପ୍ରିଲରେ ଏହା ୭.୧୮ ପ୍ରତିଶତ ରହିଛି ।