ରୁଷ ଓ ୟୁକ୍ରେନ ମଧ୍ୟରେ ଘନେଇଲା ଆଣବିକ ଯୁଦ୍ଧର ଆଶଙ୍କା : ଶାନ୍ତି ଆଲୋଚନା ଜରିଆରେ ସମାଧାନ ପାଇଁ ଭାରତର ଅପିଲ
କନକ ବ୍ୟୁରୋ : ରୁଷ ଓ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧରେ ପରମାଣୁ ଅସ୍ତ୍ର ବ୍ୟବହାରର ଆଶଙ୍କା ବଢିଯାଇଛି । ରୁଷ ସେନାଙ୍କୁ ଘେରିବା ପାଇଁ ୟୁକ୍ରେନ ସେନା ଡାର୍ଟି ବୋମା ମାଡ କରୁଥିବା ମସ୍କୋ ଅଭିଯୋଗ ଆଣିଛି । ଆଉ ଏହାର ଜବାବରେ ଆଣବିକ ଅସ୍ତ୍ର ଅଭ୍ୟାସ ଆରମ୍ଭ କରିଛି ରୁଷ । ଏପରି ସମୟରେ ରୁଷ ପ୍ରତିରକ୍ଷା ମନ୍ତ୍ରୀଙ୍କ ସହ ଫୋନରେ କଥା ହୋଇ କୌଣସି ମତେ ପରମାଣୁ ଯୁଦ୍ଧ ଏଡାଇବାକୁ ଆହ୍ୱାନ କରିଛନ୍ତି ରାଜନାଥ ସିଂ ।
Kanak News is now on WhatsApp
Join and get latest news updates delivered to you via WhatsApp
ଯେକୌଣସି ପରିସ୍ଥିତିରେ ମଧ୍ୟ ପରମାଣୁ ଯୁଦ୍ଧ ଏଡାଇବା ପାଇଁ ଉଭୟ ପକ୍ଷ ଯତ୍ନବାନ ହେବା ଜରୁରୀ ବୋଲି ଭାରତ ଅପିଲ କରିଛି । ରୁଷ ଓ ୟୁକ୍ରେନ କୁଟନୈତିକ ଏବଂ ଶାନ୍ତି ଆଲୋଚନା ଜରିଆରେ ବିବାଦର ସମାଧାନ କରିବା ଉଚିତ୍ । ପରମାଣୁ ବୋମା ଓ ଡାର୍ଟି ବୋମା ମାନବ ସଭ୍ୟତାର ଅସ୍ତିତ୍ୱ ପାଇଁ ବିପଦ । ତେଣୁ ଆଣବିକ ଅସ୍ତ୍ର ପ୍ରୟୋଗରୁ ବିରତ ହେବାକୁ ଅପିଲ କରିଛନ୍ତି ରାଜନାଥ ସିଂହ । ପୂର୍ବରୁ ଭାରତ କୁଟନୈତିକ ଓ ଶାନ୍ତି ଆଲୋଚନା ଜରିଆରେ ସମାଧାନ ପାଇଁ ରୁଷ ଓ ୟୁକ୍ରେନ କହି ଆସୁଛି ଭାରତ । ଏପରି କି ଗତ ଏସସିଓ ସମ୍ମିଳନୀରେ ରୁଷ ରାଷ୍ଟ୍ରପତିଙ୍କ ସହ ଆଲୋଚନା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହା ଯୁଦ୍ଧର ଯୁଗ ନୁହେଁ ବୋଲି କହିଥିଲେ ।