କନକ ବ୍ୟୁରୋ: କଲେଜିୟମ ହେଉଛି ଦେଶର ଆଇନ୍ । ଏହାକୁ ପାଳନ କରିବାକୁ ପଡିବ । ନହେଲେ ଖଣ୍ଡପୀଠ ଆବଶ୍ୟକ ନିର୍ଦ୍ଦେଶ ଦେବ । ବିଚାରପତି ନିଯୁକ୍ତି ପ୍ରକ୍ରିୟାକୁ ନେଇ କେନ୍ଦ୍ର ସରକାର ଏବଂ ସୁପ୍ରିମକୋର୍ଟଙ୍କ ମଧ୍ୟରେ ବିବାଦ ତେଜିଛି । ଏହି ସମୟରେ ଜଷ୍ଟିସ ସଞ୍ଜୟ କିଶନ କୌଲ ଏବଂ ଜଷ୍ଟିସ ଏଏସ ଓକାଙ୍କ ନେତୃତ୍ୱାଧୀନ ଖଣ୍ଡପୀଠ ଏପରି କହିଛନ୍ତି । ଆଉ କେଉଁ କାରଣ ପାଇଁ ବିଚାରପତି ନିଯୁକ୍ତିରେ ବିଳମ୍ବ ହେଉଛି କେନ୍ଦ୍ର ସରକାରଙ୍କ ସହ କଥା ହୋଇ ପକ୍ଷ ରଖିବାକୁ ଆଟର୍ଣ୍ଣି ଜେନେରାଲଙ୍କୁ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଲେଜିୟମ ଦ୍ୱାରା ସୁପାରିସ ହୋଇଥିବା ବିଚାରପତିଙ୍କ ନିଯୁକ୍ତିରେ ବିଳମ୍ବକୁ ନେଇ କୋର୍ଟ କହିଛନ୍ତି, ହୁଏତ ଜାତୀୟ ନ୍ୟାୟିକ ନିଯୁକ୍ତି ଆୟୋଗ ପାରିତ ହୋଇନପାରିବାରୁ ସରକାର ଅସନ୍ତୁଷ୍ଟ ଅଛନ୍ତି । ତେଣୁ ବିଚାରପତି ନିଯୁକ୍ତିରେ ବିଳମ୍ବ ହେଉଛି । ସରକାର ବିଳମ୍ବ ନକରି କିଭଳି ଶୀଘ୍ର ପାରିତ କରିପାରିବେ ସେନେଇ କେନ୍ଦ୍ର ସରକାରଙ୍କ ସହ କଥା ହେବାକୁ ସଲିସିଟର ଜେନେରାଲ ଏବଂ ଆଟର୍ଣ୍ଣି ଜେନେରାଲଙ୍କୁ ଖଣ୍ଡପୀଠ କହିଛନ୍ତି । ନିକଟରେ କେନ୍ଦ୍ର ଆଇନ୍ ମନ୍ତ୍ରୀ କିରଣ ରିଜଜୁ କଲେଜିୟମ ବ୍ୟବସ୍ଥା ଉପରେ ପ୍ରଶ୍ନ ଉଠାଇଥିଲେ । ଏହାପରେ ଏକ ଟିଭି ଚ୍ୟାନେଲର କନକ୍ଲେଭରେ ରିଜଜୁ କଲେଜିୟମ ବ୍ୟବସ୍ଥାକୁ ଏଲିଏନ୍ ବୋଲି କହିଥିଲେ ।