ବିଜୁ ଜୟନ୍ତୀରେ ରାଜ୍ୟବାସୀ ଦେଲେ ଶ୍ରଦ୍ଧାଞ୍ଜଳି: ପୋଲସରାରେ ପ୍ରବାଦ ପୁରୁଷଙ୍କ ପ୍ରତିମୂର୍ତିରେ କ୍ଷୀର ଢାଳି ଆର୍ଶିବାଦ ମାଗିଲେ ବିଜେଡି କର୍ମୀ
କନକ ବ୍ୟୁରୋ: ସାରା ରାଜ୍ୟରେ ଆଜି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୧୦୮ ତମ ଜୟନ୍ତି ପାଳନ କରାଯାଇଛି । ବିଜୁଙ୍କ ସ୍ମୃତି ଚାରଣ ପାଇଁ କେଉଁଠି ସାଇକେଲ ରାଲି ତ ଆଉ କେଉଁଠି ପ୍ରତିମୂର୍ତିରେ କ୍ଷୀର ଢାଳି କରାଯାଇଛି ସ୍ନାନ । ଏତିକି ବେଳେ ପୁଣି ଥରେ ଉଠିଛି ବିଜୁ ବାବୁଙ୍କୁ ଭାରତରତ୍ନ ପ୍ରଦାନ ଦାବି ।
Kanak News is now on WhatsApp
Join and get latest news updates delivered to you via WhatsApp
ଆଧୁନିକ ଓଡିଶାର ନିର୍ମାତା, ସ୍ୱାଧୀନତା ସଂଗ୍ରାମୀ ତଥା ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ୧୦୮ତମ ଜୟନ୍ତୀରେ ପ୍ରବାଦପୁରୁଷଙ୍କୁ ଇଏ ହେଉଛି ସାରା ରାଜ୍ୟର ଶ୍ରଦ୍ଧାଞ୍ଜଳି । ଜୟନ୍ତୀରେ ଆଧୁନିକ ଓଡିଶାର ବିନ୍ଧାଣୀଙ୍କୁ ମନେ ପକାଇଛନ୍ତି ସମାଜର ସବୁ ବର୍ଗର ଲୋକେ । ବିଜୁ ପଟ୍ଟନାୟକଙ୍କୁ ଫରେଷ୍ଟ ପାର୍କରେ ପହଁଚି ଶ୍ରଦ୍ଧାଂଜଳି ଜଣାଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଶଙ୍ଖଭବନରେ ମଧ୍ୟ ପ୍ରବାଦ ପୁରୁଷଙ୍କ ସ୍ମୃତିରେ କାର୍ଯ୍ୟକ୍ରମ ହୋଇଛି । ରାଜଧାନୀରେ ବି ସାଇକେଲ ରାଲି ବାହାରିଛି । ବିଜୁ ପଟ୍ଟନାୟକ ଥିଲେ ଓଡିଶାର ଗର୍ବ ଓ ଗୌରବ । ଆଉ ଜୟନ୍ତୀରେ ବିଜୁ ବାବୁଙ୍କୁ ଭାରତରତ୍ନ ଦେବାକୁ ଦାବି କରିଛନ୍ତି ବିଜେଡି ନେତା ।
ବିଜୁ ପଟ୍ଟନାୟକଙ୍କୁ ମନେପକାଇ ଓଡିଆ ଜାତୀୟତାର ପରିଚୟକୁ ଆହୁରି ଗୌରବାନ୍ୱିତ କରିବା ନୂଆ ଓଡିଶାର ସଂକଳ୍ପକୁ ଆହୁରି ଦୃଢ କରିବାକୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ । ପୋଲସରାରେ ବିଜୁ ବାବୁଙ୍କୁ କରାଯାଇଛି କ୍ଷୀର ସ୍ନାନ । ବିଜେଡିର ଶତାଧିକ ମହିଳା ସମର୍ଥକ ପୋଲସରା ମୁଖ୍ୟ ବଜାରରେ ବିଜୁଙ୍କ ପ୍ରତିମୂର୍ତିରେ କ୍ଷୀର ଢାଳି ଆଗାମୀ ନିର୍ବାଚନ ପାଇଁ ଆଶୀର୍ବାଦ ଲୋଡିଛନ୍ତି ।
ବିଜୁ ପଟ୍ଟନାୟକଙ୍କ ଜୟନ୍ତୀ ଅବସରରେ ଶ୍ରଦ୍ଧାଞ୍ଜଳି ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଟ୍ୱିଟ୍ କରି ପ୍ରବାଦ ପୁରୁଷଙ୍କ ଅବଦାନକୁ ମନେ ପକାଇଛନ୍ତି । ଙ୍କ ଜନ୍ମସ୍ଥାନ କଟକ ଆନନ୍ଦ ଭବନରେ ପାଳିତ ହୋଇଛି । ବିଜୁ ବାବୁଙ୍କ ସ୍ମୃତିରେ ତାଙ୍କର ଅନେକ ପୁରୁଣା ଫଟୋକୁ ନେଇ ପ୍ରଦର୍ଶନୀ କରାଯାଇଛି । ଯେଉଁଥିରେ ତାଙ୍କର ଅନେକ କାର୍ଯ୍ୟଧାରା ଓ ବିରଳ ମୁହୁର୍ତର ଫଟୋ ସବୁ ସ୍ଥାନ ପାଇଛି ।