କନକ ବ୍ୟୁରୋ : ଦିନ ଯେତିକି ଗଡୁଛି ସେତିକି ଫିଟୁଛି ବିଜେପି ନେତ୍ରୀ ସୋନାଲି ଫୋଗଟ ମୃତ୍ୟୁ ମାମଲା । ମୃତ୍ୟୁ ମାମଲାର ଖୋଲତାଡ ପାଇଁ ହରିଆଣା ହିସାରରେ ପହଁଚିଛି ଗୋଆ ପୁଲିସ । ସେପଟେ ହିସାର ଫାର୍ମ ହାଉସରେ ବଡ ଧରଣର ଚୋରି ଅଭିଯୋଗ ଆସିବା ପରେ ହରିଆଣା ପୁଲିସ ସେଠାରେ ପହଁଚି ତନ୍ନ ତନ୍ନ ଯାଂଚ କରୁଛି । ସୋନାଲିଙ୍କ ପରିବାର ଲୋକ ଅଭିଯୋଗ କରିଛନ୍ତି କି ଫାର୍ମ ହାଉସରୁ ଲ୍ୟାପଟପ୍, ସିସିଟିଭି କ୍ୟାମେରା, ଡିଜିଟାଲ ଅଡିଓ ରେକର୍ଡର ଓ କିଛି ଦସ୍ତାବିଜ ଚୋରି ହୋଇଛି । ଘଟଣାରେ ସୋନାଲିଙ୍କ ପିଏ ତଥା ଗିରଫ ଅଭିଯୁକ୍ତ ସୁଧୀର ସାଂଗବାନର ଜଣେ ସହଯୋଗୀଙ୍କୁ ମଧ୍ୟ ଗିରଫ କରାଯାଇଛି । ତେବେ ଶିବମ ପାଖରୁ ଲ୍ୟାପଟପ ଜବତ ହେବା ପରେ ନୂଆ ସୁରାକ ତଲାସରେ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଥାଉକି ଟିକଟକ ଷ୍ଟାର ତଥା ହରିଆଣାର ବିଜେପି ନେତ୍ରୀ ସୋନାଲୀ ଫୋଗଟଙ୍କ ମୃତଦେହ ଗୋଆର ଏକ ରିସର୍ଟରୁ ଉଦ୍ଧାର ହୋଇଥିଲା । ପ୍ରଥମେ ଏହାକୁ ସ୍ୱଭାବିକ ମୃତ୍ୟୁ ବୋଲି କୁହାଯାଉଥିବା ବେଳେ ପୋଷ୍ଟମର୍ଟମ ରିପୋର୍ଟ କିନ୍ତୁ ଅନ୍ୟଦିଗ ପ୍ରତି ସୁରାକ ଦେଇଥିଲା । ଏହାପରେ ପୋଲିସ ତଦନ୍ତ ଆରମ୍ଭ କରିଥିଲା । ଏଥିରେ ସୋନାଲିଙ୍କ ବ୍ୟକ୍ତିଗତ ସହାୟକଙ୍କ ସମେତ ରିସୋର୍ଟ ମାଲିକ ଓ ଅନ୍ୟ କିଛି ସହଯୋଗୀଙ୍କୁ ଗିରଫ କରାଯାଇଛି । କୁହାଯାଉଛି କି ରିସୋର୍ଟରେ ଚାଲିଥିବା ପାର୍ଟିରେ ତାଙ୍କୁ ଡ୍ରଗ୍ସ ଦେଇ ହତ୍ୟା କରାଯାଇଛି ।