କନକ ବ୍ୟୁରୋ: ଇନଷ୍ଟାଗ୍ରାମରେ ଶେଷ ରିଲ୍ ପୋଷ୍ଟ କରି ମହିଳାଙ୍କ ଆତ୍ମହତ୍ୟା । ମୃତ ମହିଳା ଜଣଙ୍କ ରିଲ୍ କରି ଇନଷ୍ଟାଗ୍ରାମରେ ପୋଷ୍ଟ କରୁଥିଲେ ବୋଲି ଶାଶୁଘର ଲୋକ ନିର୍ଯାତନା ଦେଉଥିଲେ । ଶାଶୁଘରେ ବାରମ୍ବାର ଅଶାନ୍ତି ଲାଗି ରହୁଥିବାରୁ ମାନସିକ ଚାପରେ ରହୁଥିଲେ ମୃତ ଜୟନ୍ତୀ ପାତ୍ର । ଶେଷରେ ମାନସିକ ଚାପ ଯୋଗୁଁ ସେ ଆତ୍ମହତ୍ୟା କରିଥିବା ଜୟନ୍ତୀଙ୍କ ବାପାଘର ଲୋକ ଅଭିଯୋଗ କରିଛନ୍ତି । ତେବେ ଜୟନ୍ତି ଆତ୍ମହତ୍ୟା କରିବା ପୂର୍ବରୁ ଏକ ରିଲ୍ ଇନଷ୍ଟାଗ୍ରାମରେ ପୋଷ୍ଟ କରିଥିଲେ । ଯେଉଁଥିରେ, ସେ କହିଛନ୍ତି, ଜୀବନର ସବୁଠାରୁ ବଡ ଗୁରୁ ହେଉଛି ସମୟ । କାହିଁକି ନା, ସମୟ ଯାହା ଆମକୁ ଶିଖାଇଥାଏ ତା’ କୌଣସି ବହି ଶିଖାଇନଥାଏ ।
Kanak News is now on WhatsApp
Join and get latest news updates delivered to you via WhatsApp
ଆଉ ଜୟନ୍ତୀଙ୍କ ନିଜର ଏହି ପୋଷ୍ଟରେ ଗତକାଲି ରାତିରେ କମେଂଟ କରି ଲେଖିଥିଲେ ଯେ, କାଲି ହୁଏତ୍ ମୁଁ ନଥିବି ହେଲେ ଏହି କଥାକୁ ଆପଣମାନେ ମନେ ରଖିବେ । ରିଲ୍ ଭିଡିଓରେ ସମୟ ବଡ ବଳବାନ୍ ବୋଲି କହୁଥିବା ମହିଳାଙ୍କ ମୃତଦେହ ସନ୍ଦେହ ଜନକ ଅବସ୍ଥାରେ ପୋଖରୀରୁ ଉଦ୍ଧାର ହୋଇଛି । ତେବେ ଜୟନ୍ତୀଙ୍କୁ ମୃତ୍ୟୁ ପରେ ପରିବାର ଲୋକେ ଶାଶୁଘର ଲୋକଙ୍କ ବିରୋଧରେ ଅଭିଯୋଗ କରିଛନ୍ତି । ବାଲେଶ୍ୱର ଜିଲ୍ଲା କଇଁଥଗଡିଆ ଗାଁର ବୁଦ୍ଧଦେବ ପାତ୍ରଙ୍କ ସ୍ତ୍ରୀ ଜୟନ୍ତୀ ପାତ୍ର ଗତକାଲି ବିଳମ୍ବିତ ରାତିରେ କେଉଁଆଡେ ଚାଲିଯାଇଥିଲେ । ଆଜି ସକାଳେ ତାଙ୍କ ମୃତଦେହ ପୋଖରୀରେ ଭାସୁଥିବା ଦେଖିବାକୁ ମିଳିଥିଲା ।