ଜୋର ଧରିଲା ମନ୍ତ୍ରୀମଣ୍ଡଳ ଅଦଳବଦଳ ଚର୍ଚ୍ଚା: ଫୋନ କଲ ଅପେକ୍ଷାରେ ବିଧାୟକ
କନକ ବ୍ୟୁରୋ: ବାଚସ୍ପତି ଓ ଦୁଇ ମନ୍ତ୍ରୀ ଇସ୍ତଫା ଦେବା ପରେ ବି ରାଜ୍ୟପାଳ ରାଜ୍ୟ ବାହାରେ ଥିବାରୁ ମନ୍ତ୍ରୀମଣ୍ଡଳ ଅଦଳବଦଳ ଚର୍ଚ୍ଚା ଥମି ଯାଇଥିଲା । ଆଲୋଚନା ହେଉଥିଲା ରାଜ୍ୟପାଳ ଫେରିବା ପରେ ଯାହା ହେବ । ଆଉ ଏବେ ରାଜ୍ୟପାଳ ଫେରିବା ଖବର, ପୁଣି ଥରେ ମନ୍ତ୍ରୀମଣ୍ଡଳ ଅଦଳବଦଳ ଚର୍ଚ୍ଚାକୁ ଖୋରାକ ଯୋଗାଇଛି । ରାଜନୈତିକ ମହଲରେ ଚର୍ଚ୍ଚା ହେଉଛି, ଖୁବ୍ ଶୀଘ୍ର ମନ୍ତ୍ରୀମଣ୍ଡଳରେ ନୂଆ ବିଧାୟକଙ୍କୁ ସାମିଲ କରିପାରନ୍ତି ନବୀନ । ହେଲେ, ବହୁ ନେତାଙ୍କ ନାଁକୁ ନେଇ ଚର୍ଚ୍ଚା ହେଉଥିବାରୁ କାହାକୁ ମନ୍ତ୍ରୀପଦ ମିଳିବ,ତାହା ସ୍ପଷ୍ଟ ହୋଇନି । କିଏ ବାଚସ୍ପତି ହେବେ ତାହା ବି ସ୍ପଷ୍ଟ ହୋଇନି । ଏଭଳି ସ୍ଥିିତିରେ ମୁଖ୍ୟମନ୍ତ୍ରୀଙ୍କ ଫୋନ କଲକୁ ଅପେକ୍ଷା କରିଛନ୍ତି ଚର୍ଚ୍ଚାରେ ଥିବା ବିଧାୟକ ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ମନ୍ତ୍ରୀ ମଣ୍ଡଳ ଅଦଳବଦଳକୁ ନେଇ ଚର୍ଚ୍ଚା ଜୋର ଧରିଥିବାବେଳେ, ଆଉ ଗୋଟିଏ ପଟେ ୨୦୨୪ ପାଇଁ ରାଜ୍ୟ ବିଜେପି ନୂଆ ଟିମ୍ କରିବାକୁ ଯାଉଥିବା ଖବର ରାଜ୍ୟ ରାଜନୀତିକୁ ସରଗରମ କରିଛି ।
ଦିଲ୍ଲୀରେ ବିଜେପି ରାଷ୍ଟ୍ରିୟ ଅଧ୍ୟକ୍ଷ ଜେ.ପି ନଡ୍ଡାଙ୍କୁ ରାଜ୍ୟ ବିଜେପି ସଭାପତି ମନମୋହନ ସାମଲ ଭେଟିବା ପରେ ଆରମ୍ଭ ହୋଇଛି କଳ୍ପନା ଜଳ୍ପନା । ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁସାରେ ମନମୋହନ ଖୁବଶୀଘ୍ର ନିଜ ଟିମ୍ ଘୋଷଣା କରିପାରନ୍ତି । ଦଳକୁ ତୃଣମୂଳ ସ୍ତରରୁ ମଜବୁତ କରିବା ଲାଗି ଦୁର୍ବଳ ସ୍ଥାନଗୁଡିକରେ ଅଭିଜ୍ଞ ଏବଂ ବରିଷ୍ଠ ନେତୃତ୍ୱଙ୍କୁ ଦାୟିତ୍ୱ ଦିଆଯାଇପାରେ । ୨୦୧୯ ପରେ ରାଜ୍ୟରେ ହୋଇଥିବା ୮ଟି ଉପ-ନିର୍ବାଚ୍ଚନରୁ ୭ଟିରେ ବିଜେପି ହାରିଥିବାରୁ, ଦଳୀୟ ସଂଗଠନକୁ ଆମୂଳଚୁଳ ପରିବର୍ତନ କରିପାରନ୍ତି ମନମୋହନ ।
୨୦୨୪ ନିର୍ବାଚ୍ଚନକୁ ଆଉ ଏକ ବର୍ଷରୁ କମ ସମୟ ବାକି ରହିଛି । କିନ୍ତୁ ରାଜ୍ୟର ଦୁଇ ପ୍ରମୁଖ ରାଜନୈତିକ ଦଳଙ୍କ ପ୍ରସ୍ତୁତି ରାଜ୍ୟରେ ଏବେଠାରୁ ନିର୍ବାଚନୀ ମାହୋଲ ସୃଷ୍ଟି କରିଛି ।