ବ୍ୟାଙ୍କ ଖାତାରୁ ଠକେଇ ମାମଲାରେ ନୂଆ ମୋଡ଼ । ଗାଏବ ହୋଇଥିବା ଅଢ଼େଇ ଲକ୍ଷ ଫେରାଇବ ବ୍ୟାଙ୍କ
କନକ ବ୍ୟୁରୋ: ବ୍ୟାଙ୍କ ଖାତାରୁ ଟଙ୍କା ଗାଏବ ଘଟଣାରେ ନୂଆ ମୋଡ । ବାଲେଶ୍ୱର ଇଣ୍ଡସଲ୍ୟାଣ୍ଡ ବ୍ୟାଙ୍କ ଖାତାରୁ ୧୨ ଲକ୍ଷ ଟଙ୍କା ଗାଏବ ହୋଇଯିବା ପରେ ବ୍ୟାଙ୍କ ଆଗରେ ଧାରଣା ଦେଇଥିଲେ ପୀଡ଼ିତ ଦମ୍ପତି । ଫିକ୍ସ ଡିପୋଜିଟରୁ ୧୦ ଲକ୍ଷ ଟଙ୍କା ଓ ଜମା ଖାତାରୁ ପ୍ରାୟ ଅଢ଼େଇ ଲକ୍ଷ ଉଭାନ ହୋଇଯାଇଥିବା ଅଭିଯୋଗ ହୋଇଛି । ତେବେ ଜମାଖାତାରୁ ଠକେଇ ହୋଇଥିବା ଅଢ଼େଇ ଲକ୍ଷ ଟଙ୍କା ବ୍ୟାଙ୍କ ଫେରାଇବାକୁ ରାଜି ହୋଇଥିବା ଦମ୍ପତ୍ତି କହିଛନ୍ତି । ତେବେ ଖାତାରୁ ଟଙ୍କା ଗାଏବ ହେବା ନେଇ ବ୍ୟାଙ୍କ କର୍ମଚାରୀଙ୍କ ଭୂମିକା ସନ୍ଦେହ ଘେରକୁ ଆସିଥିବା ବେଳେ ତଦନ୍ତ ଚାଲିଥିବା କହିଛନ୍ତି ବ୍ୟାଙ୍କ ମ୍ୟାନେଜର ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡସଲ୍ୟାଣ୍ଡ ବ୍ୟାଙ୍କ ଖାତାରୁ ୧୨ ଲକ୍ଷ ଟଙ୍କା ଗାଏବ ହୋଇଯିବା ପରେ ବ୍ୟାଙ୍କ ଆଗରେ ଧାରଣା ଦେଇଛନ୍ତି ପୀଡ଼ିତ ଦମ୍ପତି । ଫିକ୍ସ ଡିପୋଜିଟରୁ ୧୦ ଲକ୍ଷ ଟଙ୍କା ଓ ଜମା ଖାତାରୁ ପ୍ରାୟ ଅଢ଼େଇ ଲକ୍ଷ ଉଭାନ ହୋଇଯାଇଛି । କେମିତି ଟଙ୍କା ଫେରିପାଇବେ ତାକୁ ନେଇ ଏବେ ଚିନ୍ତା ଘାରିଛି । ଏସବୁ ଭିତରେ ଜମାଖାତାରୁ ଠକେଇ ହୋଇଥିବା ଅଢ଼େଇ ଲକ୍ଷ ଟଙ୍କା ବ୍ୟାଙ୍କ ଫେରାଇବାକୁ ରାଜି ହୋଇଥିବା ଦମ୍ପତି କହିଛନ୍ତି । ଜମାଖାତାରୁ ଟଙ୍କା ଗାଏବ ନେଇ ଲିଖିତ ଭାବେ ଜଣାଇବା ପରେ ଏହି ଟଙ୍କା ଫେରିପାଇବେ ବୋଲି ବ୍ୟାଙ୍କ କର୍ତୃପକ୍ଷ କହିଥିବା ଜଣାଇଛନ୍ତି ସମୀର ଓ ଜ୍ୟୋସ୍ନା ପ୍ରଧାନ । ଖାତାରୁ ଟଙ୍କା ଗାଏବ ହେବା ନେଇ ବ୍ୟାଙ୍କ କର୍ମଚାରୀଙ୍କ ଭୂମିକା ସନ୍ଦେହ ଘେରକୁ ଆସିଥିବା ବେଳେ ତଦନ୍ତ ଚାଲିଥିବା କହିଛନ୍ତି ବ୍ୟାଙ୍କ ମ୍ୟାନେଜର ।
ତେବେ ଫିକ୍ସ ଡିପୋଜିଟରୁ ଗାଏବ ୧୦ ଲକ୍ଷ ଟଙ୍କା କେବେ ଫେରିପାଇବେ, ଏହାକୁ ନେଇ ଅନିଶ୍ଚିତତା ଭିତରେ ଖାତାଧାରୀ । ଏପ୍ରସଙ୍ଗରେ ସେମାନେ ସାଇବର ଥାନାରେ ଅଭିଯୋଗ ଜଣାଇଛନ୍ତି । ସାଇବର ଥାନାର ଅଧିକାରୀଙ୍କ କହିବା ମୁତାବକ, ମାମଲାର ତଦନ୍ତ ଚାଲିଛି ଓ ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ।