କନକ ବ୍ୟୁରୋ: କରୋନା ସଂକ୍ରମଣ ବଢିବା ପରେ ୮ ରାଜ୍ୟକୁ ସତର୍କ କରାଇଲା କେନ୍ଦ୍ର । କରୋନାର ଓମିକ୍ରନ ଭ୍ୟାରିଆଂଟ ତୃତୟ ଲହର ଆଣିବ ବୋଲି ଆକଳନ ହେଉଛି । ତେଣୁ ଏପରି ସ୍ଥିତିରେ ଲୋକଙ୍କୁ ସୁରକ୍ଷିତ ରଖିବା ପାଇଁ କଡା ପଦକ୍ଷେପ ଗ୍ରହଣ କରିବାକୁ କେନ୍ଦ୍ର ସରକାର କହିଛନ୍ତି । ମୁଖ୍ୟତଃ ଏହି ୮ ରାଜ୍ୟର ପ୍ରମୁଖ ସହର ଗୁଡିକରେ କରୋନା ସଂକ୍ରମଣ ବଢୁଛି ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସାରା ଦେଶରେ କରୋନା ସଂକ୍ରମଣ ବଢୁଛି । ବୁଢିଆଣୀ ଜାଲରେ ଛନ୍ଦି ହେଲା ପରି ଭାରତ ମଧ୍ୟ ଓମିକ୍ରନ ଜାଲରେ ଛନ୍ଦି ହେବାକୁ ଯାଉଛି । ଏପରି ସ୍ଥିତିରେ ସତର୍କ ରହିବାକୁ କହିଛି କେନ୍ଦ୍ର । ଦିଲ୍ଲୀ, ହରିଆଣା, ତାମିଲନାଡୁ, ପଶ୍ଚିମବଙ୍ଗ, ମହାରାଷ୍ଟ୍ର, ଗୁଜରାଟ, କର୍ଣ୍ଣାଟକ ଏବଂ ଝାଡଖଣ୍ଡରେ କରୋନା ସଂକ୍ରମଣ ବଢୁଛି । ଏହାକୁ ନଜରରେ ରଖି କେନ୍ଦ୍ର ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ସତର୍କ ରହିବାକୁ କହିଛନ୍ତି । ରାଜ୍ୟରେ କରୋନା ଟେଷ୍ଟିଂ, ହସ୍ପିଟାଲ ସ୍ଥିତି ଉପରେ ଗୁରୁତ୍ୱ ଦେବା ସହିତ ଟିକାକରଣକୁ ଜୋରଦାର କରିବା ଏବଂ ସଂକ୍ରମଣକୁ ରୋକିବାକୁ ପଦକ୍ଷେପ ନେବାକୁ କହିଛି କେନ୍ଦ୍ର । ମୁଖ୍ୟତଃ କରୋନା ଜନିତ ମୃତ୍ୟୁ ହ୍ରାସ କରିବାକୁ କେନ୍ଦ୍ର କହିଛି ।
ବଢୁଥିବା ସଂକ୍ରମଣକୁ ଦୃଷ୍ଟିରେ ରଖି କେନ୍ଦ୍ର ସରକାର ଦିଲ୍ଲୀର ଜିଆରଏପି ମଡେଲ ବା ଗ୍ରେଡେଡ ରେସପନ୍ସ ଆକ୍ସନ ପ୍ଲାନ୍ ଲାଗୁ କରିବାକୁ ପରାମର୍ଶ ଦେଇଛନ୍ତି । ଏବେ ନଜର ପକାନ୍ତୁ ଏହି ଜିଆରଏପି ପ୍ଲାନ୍ କଣ? ସଂକ୍ରମଣ ହାର, ନୂଆ ସଂକ୍ରମିତଙ୍କ ସଂଖ୍ୟା ଏବଂ ଅକ୍ସିଜେନ ବେଡ୍ କେତେ ଉପଲବ୍ଧ ରହିଛି ତାକୁ ମାପଦଣ୍ଡ ଆକାରରେ ଗ୍ରହଣ କରି ଏହା ପ୍ରସ୍ତୁତ କରାଯାଇଛି । ସଂକ୍ରମଣ ହାର ଅନୁଯାୟୀ ଏହାକୁ ୪ ପର୍ଯ୍ୟାୟର ଅନ୍ତର୍ଭୁକ୍ତ କରାଯାଇଛି ।
ୟେଲୋ, ଅମ୍ବର, ଅରେଞ୍ଜ ଏବଂ ରେଡ୍ ଆଲର୍ଟ ।
ୟେଲୋ ଆଲର୍ଟ: ଲଗାତର ଦୁଇ ଦିନ ଟିପିଆର ୦.୫ ପ୍ରତିଶତ ଉପରେ ରହିଲେ
ଅମ୍ବର ଆଲର୍ଟ: ଦୁଇ ଦିନ ସଂକ୍ରମିତ ହାର ୧ ପ୍ରତିଶତ ରହିଲେ
ଅରେଞ୍ଜ ଆଲର୍ଟ: ଦୁଇ ଦିନ ସଂକ୍ରମଣ ହାର ୨ ପ୍ରତିଶତ ରହିଲେ
ରେଡ୍ ଆଲର୍ଟ: ଦୁଇ ଦିନ ୫ ପ୍ରତିଶତରୁ ଅଧିକ ସଂକ୍ରମଣ ରହିଲେ
ଦିଲ୍ଲୀରେ ଏବେ ୟେଲୋ ଆଲର୍ଟ ଜାରି ରହିଛି । ଦୋକାନ ବଜାର ସବୁ ଯୁଗ୍ମ ଅଯୁଗ୍ମ ଫର୍ମୁଲାରେ ଖୋଲା ହେଉଛି । ଅନ୍ୟପଟେ ୮ ରାଜ୍ୟର ରାଜଧାନୀ ବା ପ୍ରମୁଖ ସହରରେ ସଂକ୍ରମଣ ବଢୁଥିବା ଜଣାପଡିଛି ।