କୋହଲିଙ୍କ ଉପରେ ଆତଙ୍କୀ ଆଖି ! ସୁରକ୍ଷା ବଢାଇବାକୁ କହିଲା ଗୁଇନ୍ଦା ସଂସ୍ଥା, ବିସିସିଆଇକୁ ଚିଠି ଲେଖି ଜଣାଇଲା ଦିଲ୍ଲୀ ପୁଲିସ
କନକ ବ୍ୟୁରୋ: ଆତଙ୍କବାଦୀଙ୍କ ଟାର୍ଗେଟରେ ଟିମ୍ ଇଣ୍ଡିଆର କ୍ୟାପଟେନ୍ ବିରାଟ କୋହଲି । ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହ ମଧ୍ୟ ଆତଙ୍କବାଦୀଙ୍କ ଟାର୍ଗେଟରେ ଥିବା ସୂୂଚନା ମିଳିଛି । ନଭେମ୍ବର ୩ତାରିଖରେ ବାଲାଂଦେଶ ବିରୋଧରେ ଖେଳାଯିବାକୁ ଥିବା ମ୍ୟାଚ ପୂର୍ବରୁ ଏପରି ସୂଚନା ଦେଇଛି ଗୁଇନ୍ଦା ସଂସ୍ଥା । କୋହଲି ସମେତ ଟିମ୍ ଇଣ୍ଡିଆ ଖେଳାଳିଙ୍କ ସୁରକ୍ଷା ବଢାଇବାକୁ କହିଛି ଗୁଇନ୍ଦା ସଂସ୍ଥା । ଏନେଇ ବିସିସିଆଇକୁ ଚିଠି ଲେଖି ଜଣାଇଛି ଦିଲ୍ଲୀ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ଏନଆଇଏକୁ ଏପରି ଏକ ଚିଠି ମିଳିଛି ଯେଉଁଥିରେ ଭାରତୀୟ କ୍ରିକେଟ ଟିମ୍ ଉପରେ ଆତଙ୍କବାଦୀ ଆକ୍ରମଣର ଭୟ ରହିଥିବା ସୂଚନା ମିଳିଛି । ତେବେ ମୁଖ୍ୟତ କ୍ୟାପଟେନ ବିରାଟ କୋହଲି, ଆତଙ୍କବାଦୀଙ୍କ ଟାର୍ଗେଟରେ ଥିବା ସୂଚନା ରହିଛି । ଏନେଇ ଦିଲ୍ଲୀ ପୁଲିସ ପକ୍ଷରୁ ବିସିସିଆଇକୁ ଏକ ଚିଠି ମଧ୍ୟ ଜାରି କରାଯାଇଛି । ତେବେ ଏହି ଚିଠି ଗୁଜବ ମଧ୍ୟ ହୋଇପାରେ ।
ଅନ୍ୟପଟେ ଖେଳାଳିଙ୍କ ପାଇଁ ସୁରକ୍ଷାକୁ କଡାକଡି କରାଯିବା ସହ ମ୍ୟାଚ ହେବାକୁ ଥିବା ଅରୁଣ ଜେଟଲୀ ଷ୍ଟାଡିୟମରେ ବି ସୁରକ୍ଷାକୁ ବଢାଇ ଦେବାକୁ ପ୍ରସ୍ତୁତି ରହିଛି । ଦିଲ୍ଲୀ ପୁଲିସ ପକ୍ଷରୁ ମିଳିଥିବା ସୂଚନା ଅନୁସାରେ କୋହଲିଙ୍କ ସମେତ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାଷ୍ଟ୍ରପତି ରାମନାଥ କୋବିନ୍ଦ, ଗୃହମନ୍ତ୍ରୀ ଅମିତ ଶାହ, ଲାଲକୃଷ୍ଣ ଆଡଭାନି, ଜେପି ନଡ୍ଡା ଓ ଆରଏସଏସ ମୁଖ୍ୟ ମୋହନ ଭାଗବତ, ଆତଙ୍କବାଦୀଙ୍କ ଟାର୍ଗେଟରେ ରହିଛନ୍ତି ।