ପ୍ରାକ୍ଟିକାଲ ପରୀକ୍ଷା ପରେ ଦ୍ୱାଦଶ ଶ୍ରେଣୀ ଛାତ୍ରଙ୍କ ଉନ୍ମତ୍ତକାଣ୍ଡ। ଭଙ୍ଗାରୁଜା କରି ନିଲମ୍ବିତ ହେଲେ ଛାତ୍ର।
କନକ ବ୍ୟୁରୋ: ତାମିଲନାଡୁ ମାରନଦହଲ୍ଲୀ ନିକଟରେ ଥିବା ଏକ ସରକାରୀ ମାଧ୍ୟମିକ ବିଦ୍ୟାଳୟରେ ଏକାଦଶ ଏବଂ ଦ୍ୱାଦଶ ଶ୍ରେଣୀର ଛାତ୍ର ପ୍ରାକ୍ଟିକାଲ ପରୀକ୍ଷା ପରେ ଭଙ୍ଗାରୁଜା କରିଛନ୍ତି । ଶ୍ରେଣୀ ଗୃହରେ ଭଙ୍ଗାରୁଜା କରିଛନ୍ତି ଛାତ୍ର । ଏହାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ବୁଧବାର ସନ୍ଧ୍ୟାରେ ଏହି ଘଟଣା ଘଟିଥିବା ଜଣାପଡିଛି । ସୂଚନା ଅନୁସାରେ, ସ୍କୁଲର କିଛି ଛାତ୍ରୀଙ୍କ ସମେତ ଛାତ୍ର ପ୍ରାକ୍ଟିକାଲ ପରୀକ୍ଷା ଦେବା ପରେ ସେଠାରେ ଥିବା ଆଲମାରୀ, କାଗଜପତ୍ର ଏବଂ ଡେସ୍କବେଞ୍ଚ ଭଙ୍ଗାରୁଜା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେତିକିରେ ମଧ୍ୟ ସେମାନେ ଶାନ୍ତ ହୋଇନଥିଲେ ସେମାନେ ଶ୍ରେଣୀରେ ଥିବା ଟେବୁଲ, ବେଞ୍ଚ ଏବଂ ସିଲିଂକୁ ମଧ୍ୟ କ୍ଷତି ପହଞ୍ଚାଇଥିଲେ । ଏମାନଙ୍କୁ ଶିକ୍ଷକ ଅନେକ ଥର ବୁଝାଇଥିଲେ ମଧ୍ୟ ସେମାନେ ସବୁବେଳେ କଥାକୁ ନଜରଅନ୍ଦାଜ କରିଆସୁଥିଲେ । ମୁଖ୍ୟ ଶିକ୍ଷା ଅଧିକାରୀଙ୍କ ସୂଚନା ଅନୁସାରେ ରାଗ ବାହାରକରିବା ପାଇଁ ସେମାନେ ଏହିଭଳି କରିଛନ୍ତି । ଏନେଇ ଆରମ୍ଭ ହୋଇସାରିଛି ବିଭାଗୀୟ ଯାଞ୍ଚ । ସମସ୍ତଙ୍କୁ ଲିଖିତ ସ୍ପଷ୍ଟୀକରଣ ଦେବାକୁ କୁହାଯାଇଛି ।
ପ୍ରାଥମିକ ଭାବେ ସମସ୍ତଙ୍କୁ ୫ଦିନ ପାଇଁ ନିଲମ୍ବନ କରାଯାଇଛି । ତେବେ ଏମାନଙ୍କୁ ପରୀକ୍ଷାରେ ବସିବା ପାଇଁଏ ଅନୁମତି ଦିଆଯାଇଛି । ସ୍ଥାନୀୟ ଗ୍ରାମବାସୀ ଏସବୁର ମରାମତି କରିବା ପାଇଁ ସାମ୍ନାକୁ ଆସିଛନ୍ତି ।