ସୁନୀଲ ଅରୋରା ନୂଆ ମୁଖ୍ୟ ନିର୍ବାଚନ କମିଶନର : ପରିଚାଳନା କରିବେ ୨୦୧୯ ସାଧାରଣ ନିର୍ବାଚନ
ଓପି ରାୱତଙ୍କ ଅବସର ପରେ ଆଇଏଏସ ସୁନୀଲଙ୍କୁ ନୂଆ ଦାୟିତ୍ୱ
କନକ ବ୍ୟୁରୋ: ଦେଶର ନୂଆ ମୁଖ୍ୟ ନିର୍ବାଚନ କମିଶନର ଭାବେ କାର୍ଯ୍ୟଭାର ନେଲେ ସୁନୀଲ ଆରୋରା । ଆଇଏଏସ୍ ଅଧିକାରୀ ସୁନୀଲ ଆରୋରା ୨୩ତମ ମୁଖ୍ୟ ନିର୍ବାଚନ କମିଶନର ଭାବେ କାର୍ଯ୍ୟଭାର ନେଇଛନ୍ତି । ତାଙ୍କୁ ଓପି ରାୱତଙ୍କ ସ୍ଥାନରେ ନୂଆ ଦାୟିତ୍ୱ ଦିଆଯାଇଛି । ଏବେ ଅରୋରାଙ୍କ ନେତୃତ୍ୱରେ ୨୦୧୯ ଲୋକସଭା ନିର୍ବାଚନ ପରିଚାଳନା କରାଯିବ । ଓପି ରାୱତ ଗତକାଲିଠାରୁ ଅବସର ନେଇ ସାରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦେଶର ବିଭିନ୍ନ ସ୍ଥାନରେ ସେ ଭିନ୍ନ ଭିନ୍ନ ବରିଷ୍ଠ ପଦବୀରେ କାମ କରିଥିବା ସତ୍ୱେ ମଧ୍ୟ ନିଜର ଦାୟିତ୍ୱ କେବେ ଭୁଲନ୍ତି ନାହିଁ । ଆସନ୍ତା ଲୋକସଭା ନିର୍ବାଚନ ବ୍ୟତିତ ଅରୋରାଙ୍କ ନେତୃତ୍ୱରେ ଆସନ୍ତାବର୍ଷ ଜମ୍ମୁକଶ୍ମୀର, ଓଡିଶା, ମହାରାଷ୍ଟ୍ର, ହରିୟାଣା , ଆନ୍ଧ୍ରପ୍ରଦେଶ, ଅରୁଣାଚଳ ପ୍ରଦେଶ ଏବଂ ସିକିମ ବିଧାନସଭା ନିର୍ବାଚନ ପରିଚାଳନା ହେବ । ସେ ୧୯୮୦ ବ୍ୟାଚର ଆଇଏଏସ୍ ଅଫିସର । ଅରୋରା ୨୦୧୭ ଅଗଷ୍ଟ ମାସରୁ ନିର୍ବାଚନ କମିଶନର ଥିଲେ ।