କନକ ବ୍ୟୁରୋ: ମଦ୍ୟପାନ କରିବାକୁ ଅନେକ ଲୋକ ନିଜ ସୌକ ବୋଲି ଭାବିଥାନ୍ତି । ଜନ୍ମଦିନ, ବିବାହ ଏମିତି ଅନେକ ପାର୍ଟିରେ ମଦ୍ୟପାନ କରି ଉତ୍ସବ ପାଳନ କରନ୍ତି ଲୋକେ । ଏହା କେବଳ ଭାରତରେ ନୁହେଁ ବରଂ ଏମିତି ଅନେକ ଦେଶରେ ଦେଖିବାକୁ ମିଳେ । ହେଲେ ଆମେ ଆଜି ଆପଣଙ୍କୁ ଏମିତି ଏକ ଦେଶ କଥା କହିବୁ ଯେଉଁଠି ମଦ ବିକିବା ଏବଂ ପିଇବା ଉପରେ କଠୋର ଆଇନ ରହିଛି । ଏଠାରେ ମଦ ସମ୍ପୂର୍ଣ୍ଣ ଭାବେ ବ୍ୟାନ କରାଯାଇଛି । ଏଠାରେ ମଦ ପିଇଲେ ପାଶୀ ଦଣ୍ଡ ଦିଆଯାଇଥାଏ । ତେବେ ଏହି ଦେଶ ହେଉଛି ଭାରତର ପଡୋଶୀ ଦେଶ ଇରାନ ।
Kanak News is now on WhatsApp
Join and get latest news updates delivered to you via WhatsApp
ଯଦି ଇରାନରେ କୌଣସି ବ୍ୟକ୍ତି ମଦ ପିଉଥିବା, କିମ୍ବା ନେଇକି ଯାଉଥିବା ଅବସ୍ଥାରେ ଧରାପଡନ୍ତି ତେବେ ତାଙ୍କୁ ଜରିମାନା ଦେବା ସହ ଜେଲ ଯିବାକୁ ପଡିଥାଏ । ଏମିତି ପାଶିଦଣ୍ଡ ବି ଦିଆଯାଇଥାଏ । ସେହିପରି ଯଦି କେହି ବ୍ୟକ୍ତି ମଦ ବିକନ୍ତି ତେବେ ତାଙ୍କୁ ୮୦ କୋଡର ସଜା ଦିଆଯାଇଥାଏ । ଏଠାରେ ମଦ ପିଇବା ପାଇଁ କୌଣସି ବୟସ ସୀମା ନାହିଁ ତେଣୁ ଆପଣଙ୍କ ବୟସ ଯେତେ ହୋଇଥିଲେ ବି ଏହି ଆଇନ ଉଲ୍ଲଘଂନ କଲେ ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଥାଏ । ଯଦି କୌଣସି ବ୍ୟକ୍ତିଙ୍କୁ ବାରମ୍ବାର ମଦ ସହ ସମ୍ବନ୍ଧିତ ଅପରାଧରେ ଧରାଯାଇଥାଏ ତେବେ ତାଙ୍କୁ ଫାଶି ଦଣ୍ଡ ଦିଆଯାଇଥାଏ ।
ଆପଣଙ୍କ ମନରେ ନିଶ୍ଚେ ପ୍ରଶ୍ନ ଆସୁଥିବ କି କଣ ପର୍ଯ୍ୟଟତଙ୍କ ପାଇଁ ବି ଏହି ନିୟମ ରହିଛି । ତେବେ ଆମେ ଆପଣଙ୍କୁ କହିରଖୁଛି କି ଏହି ଆଇନ ସମସ୍ତଙ୍କ ପାଇଁ ସମାନ । ଏଠାରେ ଆପଣଙ୍କୁ କୌଣସି ମଦ ଦୋକାନ, ନାଇଟ କ୍ଲବ ଓ ବାର୍ ମିଳିବ ନାହିଁ । ଯଦି ଆପଣ ଭାବୁଥିବେ ଅନ୍ୟଦେଶରୁ ଆପଣ ଇରାନକୁ ନେଇ ସେଠାରେ ବ୍ୟକ୍ତିଗତ ବ୍ୟବାହର କରିବେ ତେବେ ଏମିତି ବି ଆପଣ କରିପାରିବେ ନାହିଁ । କାରଣ ବାହାର ଦେଶରୁ ମଦ ଆଣିବା ଏଠାରେ ଅବୈଧ ଅଟେ । ଏୟାରପୋର୍ଟରେ ଚେକିଂ ବେଳେ ଯଦି ମଦ ସହ ଆପଣ ଧରା ପଡନ୍ତି ତେବେ ଆପଣ ଇରାନର ହୁଅନ୍ତୁ କି ପର୍ଯ୍ୟଟକ ଆପଣଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ।
ସାଧାରଣତଃ ଇରାନର ଯୁବପିଢୀ ମଦ୍ୟପାନ କରିବାକୁ ପସନ୍ଦ କରିଥାନ୍ତି । ସେଥିପାଇଁ ଅବୈଧ ଭାବରେ ମଦ ତିଆରି ହୁଏ କିମ୍ବା ବାହାରୁ ତସ୍କରି କରାଯାଇଥାଏ । ବିଷାକ୍ତ ମଦ ପିଇବା ଯୋଗୁଁ ଇରାନରେ ଅନେକ ଲୋକଙ୍କ ମୃତ୍ୟୁ ହେଉଛି କାରଣ ସେମାନେ ଡାକ୍ତରଙ୍କ ପାଖକୁ ଯିବାକୁ ଡରୁଛନ୍ତି । ଡାକ୍ତର ପାଖକୁ ଯାଇ ସେଠାରେ ଚିକିତ୍ସା କରାଇଲେ ପୋଲିସ ଧରିବାର ଭୟ ରହିଥାଏ ।
ମଦ୍ୟପାନ କରିବା ପାଇଁ ଅନେକ ଦେଶରେ କିଛି ନିୟମ ରହିଛି । ଯେମିତି କି ଆମ ଦେଶରେ ରାସ୍ତା ଉପରେ ମଦ୍ୟପାନ କରିପାରିବେ ନାହିଁ, ମଦ୍ୟପାନ କରି ଗାଡି ଚଲାଇବେ ନାହିଁ । ଏହି ନିୟମ ଉଲ୍ଲଘଂନ କଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥାଏ । ହେଲେ ଇରାନ ଏମିତି ଏକ ଦେଶ ଯେଉଁଠି ମଦ୍ୟପାନକୁ ନେଇ କଠୋର ଆଇନ ରହିଛି ।