ଇମ୍ରାନ ଖାନଙ୍କ ଗିରଫଦାରୀକୁ ବିରୋଧ କରି ପାକିସ୍ତାନରେ ହଙ୍ଗାମା : ସ୍ଥିତି ନିୟନ୍ତ୍ରଣ ପାଇଁ ପୋଲିସ ପକ୍ଷରୁ ଲୁହବୁହା ଗ୍ୟାସ ପ୍ରୟୋଗ
କନକ ବ୍ୟୁରୋ : ଇମ୍ରାନ୍ ଖାନଙ୍କ ଗିରଫଦାରୀ ବିରୋଧରେ ଜଳୁଛି ଲାହୋର । ରାତି ସାରା ଇମ୍ରାନ ଇମ୍ରାନଙ୍କ ସମର୍ଥକଙ୍କ ଅନ୍ଦୋଳନ ଦେଖିବାକୁ ମିଳିଛି । ପୋଲିସ ଓ ସମର୍ଥକ ମୁହାଁମୁହିଁ ପରିସ୍ଥିତି ମଧ୍ୟ ଉପୁଜିଛି । ଭିଡିଓ ମ୍ୟାସେଜ ଜାରି କରି ଇମ୍ରାନ କହିଲେ, ଗିରଫଦାରୀ ପଛରେ ଲଣ୍ଡନ ପ୍ଲାନ ରହିଛି । ଅନ୍ୟପଟେ କୌଣସି ସମୟରେ ମଧ୍ୟ ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନ ଗିରଫ ହୋଇପାରନ୍ତି ବୋଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମଙ୍ଗଳବାର ରାତିରେ ଗିରଫ ହେବା ପାଇଁ ମାନସିକ ରୂପରେ ପ୍ରସ୍ତୁତ ବୋଲି ନିଜେ ଇମ୍ରାନ ଖାନ କହିଥିଲେ । ପିଟିଆଇ ଅଧ୍ୟକ୍ଷଙ୍କୁ ଗିରଫ କରିବା ପାଇଁ ଜମାନ ପାର୍କ ସ୍ଥିତ ଇମ୍ରାନଙ୍କ ଆବାସ ନିକଟରେ ପୋଲିସ୍ ଫୋର୍ସ ପଂହଚିଥିଲେ । ଅନ୍ୟପଟେ ମାର୍ଚ୍ଚ ୧୮ ତାରିଖରେ କୋର୍ଟ ସାମନାରେ ଇମ୍ରାନ ହାଜର ହେବେ । ଆଉ ଏହାର ନିଶ୍ଚୟତା ଲାହୋର ହାଇକୋର୍ଟ ବାର ଅଧ୍ୟକ୍ଷ ଅହମ୍ମଦ ଖାନ ଦେବେ ବୋଲି କହିଛନ୍ତି । ତୋଷଖାନ୍ନା ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ଇମ୍ରାନ ଓ ତାଙ୍କୁ ମାର୍ଚ୍ଚ ୨୯ ସୁଦ୍ଧା ଗିରଫ କରି କୋର୍ଟରେ ହାଜର କରିବା ପାଇଁ ନିର୍ଦ୍ଦେଶ ଦେଇଛନ୍ତି ଇସଲାମାବାଦ ପୁଲିସ ।
ଗୋଟେ ପଟେ ଇମ୍ରାନଙ୍କ ଇମ୍ରାନଙ୍କ ବାସଭବନରେ ଇସଲାମାବାଦ ପୁଲିସ ପହଁଚିଥିବା ବେଳେ ଅନ୍ୟପଟେ ଶତାଧିକ ଇମ୍ରାନଙ୍କ ସମର୍ଥକ ଓ ପିଟିଆଇ କର୍ମୀ ପହଁଚି ବିରୋଧ ପ୍ରଦର୍ଶନ କରିଛନ୍ତି । ପୁଲିସ ଉପରକୁ ଇମ୍ରାନଙ୍କ ସମର୍ଥକ ପଥରମାଡ଼ କରିଥିବା ଜଣାପଡିଥିବାବେଳେ ପୋଲିସ୍ ତରଫରୁ ଲୁହବୁହା ଗ୍ୟାସ ପ୍ରୟୋଗ କରାଯାଇଥିବାର ଭିଡିଓ ସାମନାକୁ ଆସିଛି । ତୋଷଖାନା ମାମଲାରେ ଇମ୍ରାନ କୋଟି କୋଟି ଟଙ୍କାର ସରକାରୀ ସମ୍ପତି ବିକ୍ରି କରିଥିବା ଅଭିଯୋଗ ସତ ପ୍ରମାଣିତ ହେବା ପରେ ଇସଲାମାବାଦ କୋର୍ଟ ତାଙ୍କର ଗିରଫ ନିର୍ଦ୍ଦେଶ ଦେଇଛନ୍ତି ।