କନକ ବ୍ୟୁରୋ : ପୁଣି ଓଡିଆ ଝିଅଙ୍କ ସଫଳତା । ଫେମିନା ମିସ୍ ଇଣ୍ଡିଆ ଓଡିଶା ହୋଇଛନ୍ତି ଓଡିଆ ଝିଅ ଶ୍ରୁତିକ୍ଷା ନାୟକ । ଭୁବନେଶ୍ୱରର ଝିଅ ଶ୍ରୁତିକ୍ଷା ଫେମିନା ମିସ୍ ଇଣ୍ଡିଆ ଓଡିଶା-୨୦୧୮ର ମୁକୁଟ ବିଜୟିନୀ ହୋଇ ଓଡିଶା ପାଇଁ ଗୌରବ ଆଣିଛନ୍ତି । କୋଲକାତାରେ ଅନୁଷ୍ଠିତ ବର୍ଣାଢ୍ୟ ଉତ୍ସବରେ ନିକଟତମ ପ୍ରତିଦ୍ୱନ୍ଦୀଙ୍କୁ ପଛରେ ପକାଇ ଟାଇଟଲ ଜିତିଛନ୍ତି ଶ୍ରୁତିକ୍ଷା । ଏହି ପ୍ରତିଯୋଗିତାରେ ୧୩ଟି ରାଜ୍ୟର ୩୦ରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରିଥିବାବେଳେ ବାଜି ମାରି ନେଇଛନ୍ତି ୨୦ ବର୍ଷୀୟା ଶ୍ରୁତିକ୍ଷା ।
Kanak News is now on WhatsApp
Join and get latest news updates delivered to you via WhatsApp
କିଟ୍ ବିଶ୍ୱବିଦ୍ୟାଳୟରୁ ମାସ ମିଡିଆରେ ମାଷ୍ଟର ଡିଗ୍ରୀ ହାସଲ କରିଥିବା ଶ୍ରୁତିକ୍ଷା ଜଣେ ଫିଟନେସ ମଡେଲ ଭାବେ ସୃଷ୍ଟି କରିଛନ୍ତି ସ୍ୱତନ୍ତ୍ର ପରିଚୟ । ନୃତ୍ୟ ପ୍ରଦର୍ଶନରେ ମଧ୍ୟ ତାଙ୍କର ରୁଚି ରହିଥିବା ଜଣା ପଡିଛି । ତେବେ ମେ ମାସରେ ହେବାକୁ ଥିବା ଫାଇନାଲ ଅଡିସନ ପାଇଁ ଏବେ ତାଙ୍କୁ ଅଧିକ ପରିଶ୍ରମ କରିବାକୁ ପଡିବ ବୋଲି କହିଛନ୍ତି ଶ୍ରୁତିକ୍ଷା ।