୮ ମିନିଟରେ ଦୌଡିବ ୨ କିଲୋମିଟର, ନେହେଲେ କଟିବ ଦରମା: ଖେଳାଳିଙ୍କ ପାଇଁ ଏମିତି ନିୟମ କଲା ଶ୍ରୀଲଙ୍କା ବୋର୍ଡ
କନକ ବ୍ୟୁରୋ: କ୍ରିକେଟରେ ଏବେ ବ୍ୟାଟିଂ, ବୋଲିଂ ଛଡା ଫିଟନେସ ଉପରେ ଅଧିକ ଗୁରୁତ୍ୱ ଦିଆଯାଉଛି । ଆଉ ଏହାକୁ ଦୃଷ୍ଟି ରଖି ଶ୍ରୀଲଙ୍କା କ୍ରିକେଟ ବୋର୍ଡ ଖେଳାଳିଙ୍କ ପାଇଁ କଠୋର ନିୟମ ରଖିଛି । ଏବେ ଖେଳାଳିଙ୍କୁ ୟୋ ୟୋ ଟେଷ୍ଟ ଦେବାକୁ ହେବ । ଫିଟନେସ ପାଇଁ ଶ୍ରୀଲଙ୍କା କ୍ରିକେଟ ବୋର୍ଡ ନୂଆ ବର୍ଷରୁ ଏହି ପଦକ୍ଷେପ ନେବ ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ କଥା ହେଉଛି, ଏହି ଗାଇଡଲାଇନ ଅନୁସାରେ ଯଦି ଖେଳାଳିଙ୍କ ଫିଟନେସ ନଥିବ ତେବେ ତାଙ୍କ ଦରମା କଟାଯାଇପାରେ । ଗାଇଡଲାଇନରେ ୨ କିଲୋମିଟର ରେସ ରଖାଯାଇଛି । ଏଥିରେ ଯଦି କେହି ୨କିମି ପୂରା କରିବାକୁ ୮.୫୫ରୁ ଅଧିକ ସମୟ ନେଇଥାନ୍ତି ତେବେ ଦଳରେ ତାଙ୍କ ଚୟନ ହେବନାହିଁ । ଆଉ ୮.୩୫ରୁ ୮.୫୫ ମିନିଟରେ ଦରମା କଟାଯିବ ।
ଯଦି କେଉଁ ଖେଳାଳି ୮.୧୦ ସେକେଣ୍ଡ ଭିତରେ ୨ କିମି ଦୌଡିପାରିଲେ ତେବେ ଦଳରେ ତାଙ୍କର ଚୟନ ହୋଇପାରିବ । ପ୍ରଥମ ଫିଟନେସ ଟେଷ୍ଟ ଜାନୁଆରୀ ୭ରେ ଆୟୋଜନ କରିବ ଶ୍ରୀଲଙ୍କା କ୍ରିକେଟ ବୋର୍ଡ । ଯେଉଁଥିରେ କଣ୍ଟ୍ରାକ୍ଟରେ ସାମିଲ ସବୁ ଖେଳାଳିଙ୍କୁ ଭାଗନେବାକୁ ପଡିବ ।