କନକ ବ୍ୟୁରୋ : ଶିବସେନାର ଡର୍ଜନରୁୁ ଅଧିକ ସାଂସଦ ଉଦ୍ଧବ ଠାକରେଙ୍କ ପକ୍ଷ ଛାଡିବାକୁ ଚାହୁଁଥିବା କେନ୍ଦ୍ର ବିଜେପି ମନ୍ତ୍ରୀ ଦାବି କରୁଥିବା ବେଳେ ଏନଏଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ମସର୍ଥନ ପାଇଁ ଚିଠି ଲେଖିଛନ୍ତି ଶିବସେନାର ୧୬ ସାଂସଦ । ଦଳର ମୋଟ ୧୮ ଲୋକସଭା ସାଂସଦଙ୍କ ମଧ୍ୟରୁୁ ୧୬ ଜଣ ସାଂସଦ ମଙ୍ଗଳବାର ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଊଦ୍ଧବ ଠାକରେଙ୍କୁ ଭେଟି ଏକ ଚିଠି ଦେଇଛନ୍ତି । ମୁର୍ମୁ ରାଜନୀତିରେ ପାଦ ଦେବା ପୂର୍ବରୁ ଜଣେ ଶିକ୍ଷକ ଥିଲେ ଏବଂ ପରେ ରାଜ୍ୟପାଳ ଥିବାରୁ ତାଙ୍କୁ ସମର୍ଥନ କରିବାକୁ କହିଛନ୍ତି ଶିବାନୋର ସାଂସଦମାନେ । ଏଥିସହ ଏକାନାଥ ସିନ୍ଦେଙ୍କ ସହ ବୁଝବଣା କରିବାକୁ କିଛି ସାଂସଦ ଉଦ୍ଧବଙ୍କୁ କହିଥିବା ବେଳେ ଆଉ କିଛି ବିଜେପି ସହ ପୁଣି ମିଶିବାକୁ ଚାପ ପକାଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ବିଜେପି ସମର୍ଥନରେ ସରକାର ଗଠନ କରିଥିବା ଏକନାଥ ସିନ୍ଦେ ବୁଧବାର କାହିଁକି ଦଳରୁ ଅଲଗା ହେଲେ ତାର ଯବାବ ରଖିଛନ୍ତି । ସେ କହିଛନ୍ତି ଦଳ ୪୦ରୁ ୫୦ ବିଧାୟକ ମହା ବିକାଶ ଅଘାଡି ମେଂଟ ସରକାରରେ ଚ୍ୟାଲେଞ୍ଜ ସାମ୍ନା କରୁଥିଲେ । ଏବଂ ଦଳରୁ ହାରିଥିବା ବିଧାୟକମାନଙ୍କୁ ସଂଘର୍ଷ କରିବାକୁ ପଡୁଥିଲା । ହିନ୍ଦୁତ୍ୱ ଏବଂ ସାବରକର ପ୍ରସଙ୍ଗରେ ଚୁପ୍ ରହିବାକୁ ପଡୁଥିଲା । ଯେଉଁଥିପାଇଁ ସେମାନେ ଅଲଗା ହୋଇଥିବା କହିଛନ୍ତି ସିନ୍ଦେ । ତେବେ ସେମାନେ ବିିଦ୍ରୋହ କରି ସରକାର ଗଠନ କରିବାରେ କୌଣସି ବେଆଇନ କାର୍ଯ୍ୟ କରିନାହାଁନ୍ତି । ଏବଂ ସମ୍ବିଧାନ ଅନୁସାରେ କାର୍ଯ୍ୟ କରିଥିବା କହି ସଫେଇ ଦେଇଛନ୍ତି ମହାରାଷ୍ଟ୍ରର ନୂଆ ମୁଖ୍ୟମନ୍ତ୍ରୀ ।
ଏକନାଥ ସିନ୍ଦେଙ୍କ ପୁଅ ତଥା ସାଂସଦ ଶ୍ରୀକାନ୍ତ ସିନ୍ଦେ, ଇଡି ସ୍କାନରେ ଥିବା ଭୱାନା ଗ୍ୱାଲି ଏବଂ ଥାନେ ସାଂସଦ ରଞ୍ଜନ ଭିଚାରେ ବିଜେପି ସହ ମିଶିବାକୁ ଚାହୁଁଥିବା ସାଂସଦମାନଙ୍କର ନେତୃତ୍ୱ ନେଉଥିବା କୁହାଯାଉଛି । ଏପରି ସ୍ଥତିରେ କର ଅବା ମର ସ୍ଥତିରେ ଦଳର ପ୍ରକାଶ ପ୍ରମୁଖ ଉଦ୍ଧବ ଠାକରେ ।