କନକ ବ୍ୟୁରୋ :୫ ମାସ ହେଲା ମିଳୁନି ଭତ୍ତା, ଆଉ ଭତ୍ତା ପାଇଁ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି ଦିବ୍ୟାଙ୍ଗ । କିଏ ଘୁଷୁରି ଘୁଷୁରି ଆସୁଛି ତ ପୁଣି କିଏ ଟ୍ରାଇ ସାଇକେଲ । ଆଉ ପୁଣି କିଏ ବାଡ଼ିର ସାହାରା ନେଇ ପଞ୍ଚାୟତ କାର୍ଯ୍ୟାଳୟକୁ ବାରମ୍ବାର ଦୌଡ଼ୁଛି । କେନ୍ଦୁଝର ହାଟଡିହି ବ୍ଲକ ସମଣା ପଞ୍ଚାୟତର ୫୨ ଜଣ ହିତାଧିକାରୀ ଭତ୍ତା ପାଇବାରୁ ବଞ୍ଚିତ ଅଛନ୍ତି । ଆଉ ଏମାନଙ୍କ ମଧ୍ୟରେ ୪୧ ଜଣ ଦିବ୍ୟାଙ୍ଗ ଥିବା ଜଣାପଡ଼ିଛି । ଏନେଇ ପଞ୍ଚାୟତ ଓ ବ୍ଲକ କାର୍ଯ୍ୟାଳୟରେ ବାରମ୍ବାର ଅଭିଯୋଗ କରିଥିଲେ ବି କେହି ଏମାନଙ୍କ କଥା କର୍ଣ୍ଣପାତ କରୁନାହାନ୍ତି । ଫଳରେ ଏମାନଙ୍କ ପାଖରେ ଔଷଧ କିଣିବାକୁ ପଇସା ନାହିଁ କି ଖାଇବାକୁ ମଧ୍ୟ ପଇସା ନାହିାଁ
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ପଞ୍ଚାୟତ ଜରିଆରେ ଏମାନଙ୍କୁ ମାସକୁ ମାସ ଠିକ୍ ସମୟରେ ଭତ୍ତା ମିଳୁଥିଲା । ହେଲେ ଅନଲାଇନ୍ ମାଧ୍ୟମରେ ଭତ୍ତା ଦେବାର ବ୍ୟବସ୍ଥା ହେବା ଠାରୁ ୫୨ଜଣ ହିତାଧିକାରୀ ଭତ୍ତା ପାଇବାରୁ ବଞ୍ଚିତ ହୋଇଛନ୍ତି । ଖାଲି ସମଣା ପଞ୍ଚାୟତ ନୁହେଁ ହାଟଡ଼ିହି ବ୍ଲକର ୫୦୦ରୁ ଉଦ୍ଧ୍ୱର୍ ହିତାଧିକାରୀ ଭତା ପାଇବାରୁ ବଞ୍ଚିତ ହୋଇଛନ୍ତି । ବ୍ଲକର କିଛି କର୍ମଚାରୀଙ୍କ ଅବହେଳା ଯୋଗୁଁ ଏପରି ସମସ୍ୟା ସୃଷ୍ଟି ହୋଇଥିବା ଅଭିଯୋଗ ହୋଇଛି । ଅନ୍ୟପଟେ ଅନଲାଇନ୍ ବ୍ୟବସ୍ଥା ଯୋଗୁଁ ୧୫ରୁ ୨୦ କିଲୋମିଟର ଦୂର ବ୍ୟାଙ୍କକୁ ଯାଇ ଟଙ୍କା ଉଠାଉଛନ୍ତି ହିତାଧିକାରୀ । ୫ଶହ ଟଙ୍କାର ଭତ୍ତା ପାଇଁ ଲୋକଙ୍କୁ ୧୦୦ରୁ ୧୫୦ ଟଙ୍କା ଖର୍ଚ୍ଚ କରିବାକୁ ପଡ଼ୁଛି । କେନ୍ଦ୍ର ଓ ରାଜ୍ୟ ସରକାର ଗରିବ, ନିରାଶ୍ରୟ, ବୃଦ୍ଧ ଓ ଦିବ୍ୟାଙ୍ଗଙ୍କ ପାଇଁ ବିଭିନ୍ନ ପ୍ରକାରର ସାମାଜିକ ସୁରକ୍ଷା ବ୍ୟବସ୍ଥା ଲାଗୁ କରିଛନ୍ତି ହେଲେ ବ୍ଲକର କିଛି କର୍ମଚାରୀଙ୍କ ପାଇଁ ଏପରି ଅବ୍ୟବସ୍ଥା ଦେଖାଦେଇଛି ।