‘ଅଙ୍କିତକୁ ଫାଶୀ ଆମର ମଞ୍ଜୁର’ ସିଦ୍ଧୁ ମୁସେୱାଲା ହତ୍ୟାରେ ଅଭିଯୁକ୍ତ ଅଙ୍କିତଙ୍କ ପରିବାରର ବଡ ବୟାନ।
କନକ ବ୍ୟୁରୋ: ସିଦ୍ଧୁ ମୁସେୱାଲାଙ୍କୁ ହତ୍ୟାରେ ଅଭିଯୁକ୍ତ ଅଙ୍କିତ ସିରସାକୁ ଦିଲ୍ଲୀ ପୋଲିସ ଗିରଫ କରିଛି । ସିଦ୍ଧୁର ହତ୍ୟା ଅଭିଯୋଗରେ ଗିରଫ ଅଙ୍କିତ ଦୁଇଟି ପିସ୍ତଲରେ ଛଅ ରାଉଣ୍ଡ ଗୁଳି ଚଳାଇଥିଲେ । ଏହାକୁ ନେଇ ତାଙ୍କ ପରିବାର ମଧ୍ୟ ଲଜ୍ଜିତ ମନେକରୁଥିବା ପ୍ରତିକ୍ରିୟା ରଖୁଛନ୍ତି । ପରିବାର ପକ୍ଷରୁ କହାଯାଇଛି, ଯଦି ସରକାର ତାକୁ ଫାଶୀ ମଧ୍ୟ ଦିଅନ୍ତି ତେବେ ଆମେ ତାକୁ ମାନିନେବୁ । କାରଣ ସେ ଯେଉଁକାମ କରିଛି ତାହା ସାରାଦେଶରେ ଆମକୁ ଲଜ୍ଜିତ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅଙ୍କିତଙ୍କର ଜଣେ ସମ୍ପର୍କୀୟ ଗଣମାଧ୍ୟମକୁ ସୂଚନା ଦେଇ କହିଛନ୍ତି ସରକାର ଅଙ୍କିତଙ୍କୁ ଯାହା ସଜା ଦେବେ ତାହା ଆମକୁ ମଞ୍ଜୁର । ଡେଥୱାରେଣ୍ଟ ଉପରେ ଆମେ ହସ୍ତାକ୍ଷର କରିବୁ । ରବିବାର ରାତି ୧୧ଟାରେ ପୋଲିସର ଟିମ ଅଙ୍କିତକୁ ଗିରଫ କରିଥିଲା । ସିଦ୍ଧୁ ହତ୍ୟା କରିବା ପରେ ସେ ସବୁଠାରୁ କମ ବୟସର ଅଭିଯୁକ୍ତ । ସେ ହିଁ ସିଦ୍ଧୁଙ୍କ ଅତି ନିକଟରୁ ଗୁଳି କରିଥିଲା ।