୨୦୨୪ ନିର୍ବାଚନକୁ ନେଇ ଶଶୀ ଥରୁରଙ୍କ ବଡ ଭବିଷ୍ୟବାଣୀ । ବହୁମତ ହାସଲ କରିପାରିବନି ବିଜେପି, ୫୦ ଆସନ ହରାଇବ ।
କନକ ବ୍ୟୁରୋ : ୨୦୨୪ ନିର୍ବାଚନକୁ ନେଇ ବଡ ବୟାନ ଦେଇଛନ୍ତି କଂଗ୍ରେସର ବରିଷ୍ଠ ନେତା ଶଶୀ ଥରୁର । ଏପରିକି ୨୦୨୪ ନିର୍ବାଚନ ବିଜେପି ପାଇଁ ଜିତିବା ଅସମ୍ଭବ । ଶାସକ ବିଜେପି ବହୁମତ ମଧ୍ୟ ହାସଲ କରିପାରିବନି । ବିଜେପି ୫୦ରୁ ଅଧିକ ଆସନ ହରାଇବ ।
କଂଗ୍ରେସ ସାଂସଦ ଶଶୀ ଥରୁର କହିଛନ୍ତି, ବିଜେପି ୨୦୧୯ରେ ଭଲ ପ୍ରଦର୍ଶନ କରିଥିଲା । ହରିୟାଣା, ଗୁଜରାଟ ଓ ରାଜସ୍ଥାନ ଭଳି ରାଜ୍ୟରେ ବିଜେପି ସବୁ ଆସନ ଦଖଲ କରିଥିଲା । ସେହିଭଳି ମଧ୍ୟପ୍ରଦେଶ, ବିହାର, ମହାରାଷ୍ଟ୍ରରେ ଅଧିକ ସିଟ୍ ହାତେଇ ଶାସନ କ୍ଷମତାରେ ରହିଥିଲା । କିନ୍ତୁ ୨୦୨୪ରେ ୨୦୧୯ର ପୁନରାବୃତ୍ତି ଦେଖିବାକୁ ମିଳିବନି । ଏପରିକି ବିଜେପି ବହୁମତ ମଧ୍ୟ ହାସଲ କରିପାରିବନି ।
Kanak News is now on WhatsApp
Join and get latest news updates delivered to you via WhatsApp
ଗତ ଲୋକସଭା ନିର୍ବାଚନରେ ପୁଲୱାମା ଆକ୍ରମଣ ପରେ ବାଲାକୋଟ ଏୟାରଷ୍ଟ୍ରାଇକକୁ ନେଇ ସରାକରଙ୍କ ସପକ୍ଷରେ ହାୱା ଦେଖିବାକୁ ମିଳିଥିଲା । କିନ୍ତୁ ୨୦୨୪ରେ ସେଭଳି କୌଣସି ହାୱା ବିଜେପି ସପକ୍ଷରେ ବହିବ ନାହିଁ । ତେଣୁ ଆଗାମୀ ନିର୍ବାଚନରେ ବିଜେପି ୫୦ ସିଟ୍ ହରାଇବା ଏକପ୍ରକାର ନିଶ୍ଚିତ । ସେହିଭଳି ଲୋକତନ୍ତ୍ରରେ ବଂଶବାଦ ଏକ ଚ୍ୟାଲେଞ୍ଜ ଭାବେ ଉଭା ହୋଇଛି । ପ୍ରତି ଦଳରେ ବଂଶବାଦ ରାଜନୀତି ଚାଲିଛି । ତେଣୁ କଂଗ୍ରେସ ଉପରକୁ ଆଙ୍ଗୁଳି ଉଠାଇବା ପୂର୍ବରୁ ଅନ୍ୟ ଦଳ ନିଜ ଚାରିପାଖକୁ ଦେଖିବା ଉଚିତ୍ ।