କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କୁ ହତ୍ୟା ଧମକ, ୧୦ ମିନିଟ ମଧ୍ୟରେ କାର୍ଯ୍ୟାଳୟକୁ ୨ଥର ଫୋନ କଲ
କନକ ବ୍ୟୁରୋ : କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କୁ ଜୀବନରୁ ମାରି ଦେବାକୁ ଧମକ ମିଳିଛି । ନାଗପୁର ସ୍ଥିତ କାର୍ଯ୍ୟାଳୟର ଲ୍ୟାଣ୍ଡଲାଇନ ଫୋନକୁ କେହି ଅଜଣା ବ୍ୟକ୍ତି ୨ଥର ଫୋନ କରି ତାଙ୍କୁ ହତ୍ୟା କରିବାକୁ ଧମକ ଦେଇଛି । ଏନେଇ ଗଡକରୀଙ୍କ କାର୍ଯ୍ୟାଳୟ ତରଫରୁ ନାଗପୁର ଥାନରେ ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ କେହି ଅଜଣା ବ୍ୟକ୍ତି ନୀତିନ ଗଡକରୀଙ୍କ ନାଗପୁର ସ୍ଥିତ କାର୍ଯ୍ୟାଳୟକୁ ଫୋନ କରି ହତ୍ୟା ଧମକ ଦେଇଛି । ଏନେଇ ଅଜଣା ବ୍ୟକ୍ତିଜଣଙ୍କ ୧୦ ମିନିଟ ମଧ୍ୟରେ ୨ଥର ଫୋନ କରିଛି । ପ୍ରଥମ କଲରେ ଗଡକରୀଙ୍କୁ ହତ୍ୟା ଧମକ ଦେଇଥିବା ବେଳେ ଦ୍ୱିତୀୟ ଫୋନରେ ବୋମା ପକାଇ କାର୍ଯ୍ୟାଳୟ ଉଡାଇଦେବାକୁ ଧମକ ଦେଇଛି । ଏନେଇ ଅଭିଯୋଗ ହେବା ପରେ ନାଗପୁର ପୋଲିସ ଘଟଣାର ଯାଂଚ ଆରମ୍ଭ କରିଛି ।
ନୀତିନ ଗଡକରୀଙ୍କ ନାଗପୁର ସ୍ଥିତ କାର୍ଯ୍ୟାଳୟକୁ ପ୍ରଥମେ ୧୧.୩୦ ମିନିଟ ଓ ପରେ ୧୧.୪୦ ମିନିଟରେ ଦୁଇଥର ଫୋନ ଆସିଥିଲା । କହିରଖୁ କି, କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କର ଏକ ଜନସଂପର୍କ କାର୍ଯ୍ୟାଳୟ ନାଗପୁରରେ ରହିଛି । ଏହା ତାଙ୍କ ବାସଭବନରୁ ମାତ୍ର ଗୋଟିଏ କିଲୋମିଟର ଦୂରରେ ଅବସ୍ଥିତ ।