ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ ସହ ସମ୍ପର୍କ କ’ଣ? ବିବାଦ ଭିତରେ ମିଡିଆ ସାମ୍ନାକୁ ଆସିଲେ ହୋମଗାର୍ଡ କମାଣ୍ଡାଣ୍ଟ ମନୀଷ ଦୁବେ
କନକ ବ୍ୟୁରୋ: ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ ସହ ସମ୍ପର୍କ ଥିବା ପ୍ରସଙ୍ଗକୁ ନେଇ ବିବାଦକୁ ଆସିଥିବା ହୋମଗାର୍ଡ ବିଭାଗର ଜିଲ୍ଲା କମାଣ୍ଡାଣ୍ଟ ମନୀଷ ଦୁବେ ପ୍ରଥମ ଥର ପାଇଁ ଗଣମାଧ୍ୟମ ସମ୍ନାକୁ ଆସିଲେ । ହେଲେ ସାମ୍ବାଦିକଙ୍କ ପ୍ରଶ୍ନ ନଦେଇ ଖସିପଳାଇଥିଲେ । ମନୀଷ ଦୁବେ ଏକ ବିଭାଗୀୟ ବୈଠକରେ ଯୋଗ ଦେବାକୁ ଶୁକ୍ରବାର ଝାନ୍ସି ପହଞ୍ଚିଥିଲେ । ବୈଠକ ସାରି ଫେରିବା ସମୟରେ ତାଙ୍କୁ ଘେରିଥିଲେ ଗଣମାଧ୍ୟମ ପ୍ରତିନିଧି । ଏସଡିଏମ ଜ୍ୟୋତି ମୌର୍ଯ୍ୟଙ୍କ ସହ ତାଙ୍କର ସମ୍ପର୍କର ସତ୍ୟତାକୁ ନେଇ ପ୍ରଶ୍ନ କରାଯାଇଥିଲେ ବି କିଛି ନକହି ନିଜ ଗାଡିରେ ବସି ଚାଲିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଜିଲ୍ଲା ହୋମଗାର୍ଡ କମାଣ୍ଡାଣ୍ଟ ମନୀଷ ଦୁବେଙ୍କୁ ତାଙ୍କ ବିରୋଧରେ ଚାଲିଥିବା ଯାଞ୍ଚ ବାବଦରେ ପ୍ରଶ୍ନ କରାଯିବାରୁ ଏହାକୁ ଏଡାଇଦେଇଥିଲେ ଏବଂ ତାଙ୍କ ସହ କୌଣସି ଜୋରଜବଦସ୍ତି କରାନଯାଉ ବୋଲି କହିଥିଲେ । ଅନ୍ୟପଟେ ହୋମଗାର୍ଡ ବିଭାଗ ବୁନ୍ଦେଲଖଣ୍ଡ ଡିଆଇଜି ମନୀଷଙ୍କ ସମର୍ଥନରେ କହିଛନ୍ତି । ମନୀଷ ଜଣେ ସଚ୍ଚୋଟ ଅଧିକାରୀ । ଜ୍ୟୋତି ମୌର୍ଯ୍ୟ କିଏ ବି ସେ ଜାଣିନାହାଁନ୍ତି । ମନୀଷଙ୍କୁ ଅଯଥା ଏହି ବିବାଦକୁ ଟଣାଯାଉଛି ବୋଲି ସପକ୍ଷରେ କହିଛନ୍ତି ଉପରିସ୍ଥ ଅଧିକାରୀ ।
ସୂଚନା ମୁତାବକ, ଉତ୍ତରପ୍ରଦେଶର ମହିଳା ପିସିଏସ୍ ଅଫିସର ଜ୍ୟୋତି ମୌର୍ଯ୍ୟଙ୍କ ସ୍ୱାମୀ ଆଲୋକ ମୌର୍ଯ୍ୟ ପତ୍ନୀ ଜ୍ୟୋତିଙ୍କ ବିରୋଧରେ ଅଭିଯୋଗ ଆଣିଥିଲେ । ତାଙ୍କର ହୋମଗାର୍ଡ କମାଣ୍ଡାଣ୍ଟ ମନୀଷ ଦୁବେଙ୍କ ସହ ସମ୍ପର୍କ ଅଛି । ସେ ନିଜେ ଦୁହିଁଙ୍କୁ ଜ୍ୟୋତିଙ୍କ ସରକାରୀ କ୍ୱାର୍ଟରରୁ ଧରିଥିଲେ । ଦୁହିଁଙ୍କ ହ୍ୱାଟ୍ସଆପ୍ ଚାଟିଙ୍ଗ ମଧ୍ୟ ମିଡିଆରେ ଭାଇରାଲ କରିଥିଲେ ଜ୍ୟୋତିଙ୍କ ସ୍ୱାମୀ ଆଲୋକ । ଏହାପରେ ଡିଜି ହୋମଗାର୍ଡ ଏହି ମାମଲାକୁ ପ୍ରୟାଗରାଜ ଡିଆଇଜିଙ୍କୁ ହସ୍ତାନ୍ତର କରିଥିଲେ ।