ବେଙ୍ଗାଲୁରୁ ସ୍କୁଲରେ ହଇଚଇ । ଅଷ୍ଟମ, ନବମ,୧୦ମ ଶ୍ରେଣୀ ଛାତ୍ରଙ୍କ ବ୍ୟାଗରୁ ବାହାରୁଛି ଗର୍ଭନିରୋଧକ ବଟିକା ସହ ଆପତ୍ତିଜନକ ସାମଗ୍ରୀ ।
କନକ ବ୍ୟୁରୋ: ଅଷ୍ଟମ , ନବମ, ଓ ୧୦ମ ଶ୍ରେଣୀ ଛାତ୍ରଙ୍କ ବ୍ୟାଗରୁ ଗର୍ଭ ନିରୋଧକ ବଟିକା, ସହ ଅନ୍ୟ ଆପତ୍ତିଜନକ ସାମଗ୍ରୀ ଜବତ ହୋଇଛି । ଏହା ଦେଖି ସ୍କୁଲର ଶିକ୍ଷକଙ୍କ ଠାରୁ ଆରମ୍ଭ କରି ପ୍ରିନ୍ସିପାଲ ସମସ୍ତଙ୍କ ମୁଣ୍ଡରେ ଚଡକ ପଡିଛି । ଏପରି ଘଟଣା କୌଣସି ଗୋଟିଏ ସ୍କୁଲରେ ନୁହେଁ ବରଂ ବେଙ୍ଗାଲୁରୁର ଏକାଧିକ ସ୍କୁଲରେ ଘଟିଛି ।
Kanak News is now on WhatsApp
Join and get latest news updates delivered to you via WhatsApp
କଥା ହେଉଛି, କିଛି ସ୍କୁଲରେ ଏହି ଶ୍ରେଣୀର ଛାତ୍ରମାନେ ମୋବାଇଲ ବ୍ୟବହାର କରୁଥିବା ଅଭିଯୋଗ ମିଳିବା ପରେ ସେମାନଙ୍କ ବ୍ୟାଗ ତଲାସି କରାଯାଇଥିଲା । ଆଉ ସେଥିରୁ ଯାହା ମିଳିଲା ସେଥିରେ ସମସ୍ତେ ସ୍ତବ୍ଧ ହୋଇଯାଇଥିଲେ । ଅଷ୍ଟମ , ନବମ, ଓ ୧୦ମ ଶ୍ରେଣୀ ଛାତ୍ରଙ୍କ ବ୍ୟାଗରୁ କେବଳ ମୋବାଇଲ ଫୋନ୍ ନୁହେଁ ବରଂ ଅତି ସାଙ୍ଘାତିକ ଜିନିଷ ମିଳିଥିଲା । ସ୍କୁଲ ବ୍ୟାଗରୁ କଣ୍ଡୋମ୍ ସହ, ଗର୍ଭନିରୋଧକ ବଟିକା ମିଳିଥିଲା । ପାଣି ବୋତଲରେ ମଦ ମିଳିଥିଲା । ଆଉ ସେମାନଙ୍କ ବ୍ୟାଗରୁ ଲାଇଟର ଓ ସିଗାରେଟ୍ ବି ଜବତ ହୋଇଥିଲା । ଏହି ଘଟଣା ପରେ ଏଣିକିି ପ୍ରତିଦିନ ଛାତ୍ରଛାତ୍ରୀଙ୍କ ବ୍ୟାଗ୍ ତଲାସି କରିବାକୁ ସମ୍ପୃକ୍ତ ସ୍କୁଲ କର୍ତ୍ତୃପକ୍ଷ ନିର୍ଦ୍ଦେଶ ଦେଇଛନ୍ତି ।
ଏହି ଘଟଣାରେ ସ୍କୁଲ କର୍ତ୍ତୃପକ୍ଷ କୌଣସି ଛାତ୍ରଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ କରିବା ବଦଳରେ ସେମାନଙ୍କୁ କାଉନସେଲିଂ କରିବାକୁ ଯୋଜନା କରିଛନ୍ତି । ଏହାସହ ସେମାନଙ୍କ ଅଭିଭାବକଙ୍କୁ ଡକାଇ ମିଟିଙ୍ଗ କରିଥିଲେ । ଏହା ଜାଣିବା ପରେ ଅଭିଭାବକ ମାନେ ମଧ୍ୟ ସ୍ତବ୍ଧ ହୋଇଯାଇଥିଲେ । ସେମାନଙ୍କ ପିଲାମାନଙ୍କ ବ୍ୟବହାରରେ କିଛି ଦିନି ହେବ ପରିବର୍ତ୍ତନ ଦେଖିଥିବା କହିଥିଲେ ।
ତେବେ ଏହି ଘଟଣାକୁ ନେଇ ସାରା ରାଜ୍ୟରେ ହଇଚଇ ସୃଷ୍ଟି ହୋଇଛି । ବର୍ତ୍ତମାନ ଛାତ୍ର ସମାଜର ମାନସିକ ସ୍ଖଳକୁ ନେଇ ବୁଦ୍ଧିଜୀବୀ ମହଲରେ ପ୍ରତିକ୍ରିୟା ଦେଖିବାକୁ ମିଳିଛି ।