ବୈଜୟନ୍ତଙ୍କ ସପକ୍ଷରେ ବାହାରିଲେ ବିଜେପି ମୁଖପାତ୍ର ! କହିଲେ, ନବୀନଙ୍କୁ ଜଣାଇବାକୁ ଚାହୁଛନ୍ତି ଯେଉଁଠି ଠିଆ ହେଲେ ବି ଜିତିବେ
କନକ ବ୍ୟୁରୋ : ସମ୍ବଲପୁର ପ୍ରେସ କ୍ଲବରେ ବୈଜୟନ୍ତଙ୍କ ଗୁଗଲି ପରେ ଆଜି ବିଜେଡି ସାଂସଦଙ୍କ ସପକ୍ଷରେ ବହାରିଛି ବିଜେପି । ମୁଖପାତ୍ର ସଜ୍ଜନ ଶର୍ମା କହିଛନ୍ତି ବୈଜୟନ୍ତ ଜଣେ ଭଲ ନେତା । ଏବଂ ସେ ନବୀନ ପଟ୍ଟନାୟକଙ୍କୁ ଜଣାଇବାକୁ ଚାହୁଁଛନ୍ତି ଯେ ସେ ଯେଉଁଠି ଠିଆ ହେବେ ସେ ଜିତିବେ । ଏହା ସହିତ ସଜ୍ଜନ ଆହୁରି କହିଛନ୍ତି ବୈଜୟନ୍ତଙ୍କ ଭଳି ଅନେକ ନେତା ଦଳ ଛାଡି ପାରନ୍ତିି । ସଜ୍ଜନଙ୍କ ଏହି ବୟାନରୁ ବୈଜୟନ୍ତ ବିଜେଡି ଛାଡି ପାରନ୍ତି ବୋଲି ଚର୍ଚ୍ଚା ଜୋର ଧରିଛି । ତେବେ ପ୍ରକୃତରେ ବୈଜୟନ୍ତଙ୍କ ଆଭିମୁଖ୍ୟ କଣ ରହିଛି ତା ଉପରେ ସମସ୍ତଙ୍କ ନଜର ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବୈଜୟନ୍ତ ମାମୁଁଘର ଅଂଚଳରୁ ନିର୍ବାଚନ ଲଢ଼ିବା ପ୍ରସଙ୍ଗରେ ବରିଷ୍ଠ କଂଗ୍ରେସ ନେତା ସୁର ରାଉତରାୟ ପ୍ରତିକ୍ରିୟା ରଖିଛନ୍ତି । ସୁର କହିଛନ୍ତି ବୈଜୟନ୍ତ ବିଜେଡିରୁ ଏକଘରକିଆ ହୋଇ ପଡିଛନ୍ତି । ସେ ଜଣେ ଯୋଗ୍ୟ ପ୍ରାର୍ଥୀ । ତେଣୁ ସେ ଓଡିଶାର ଯେଉଁଠୁ ଠିଆ ହେବେ ଜିତିବେ ।
ଗତକାଲି ସମ୍ବଲପୁର ପ୍ରେସ୍ କ୍ଲବରେ ବିଜେଡି ସାଂସଦ ବୈଜୟନ୍ତ ପଣ୍ଡା କହିଛନ୍ତି-ଅବିଭକ୍ତ ସମ୍ବଲପୁର ଜିଲ୍ଲାରେ ତାଙ୍କ ମାମୁଁ ଘର । ଏବଂ ସୁଯୋଗ ମିଳିଲେ ପଶ୍ଚିମ ଓଡ଼ିଶାର ସେବା କରିବେ । ପୂର୍ବରୁ ସେ ବରଗଡ଼ରୁ ନିର୍ବାଚନ ଲଢ଼ିବା ନେଇ ମଧ୍ୟ ବେଶ ଚର୍ଚ୍ଚା ହେଉଥିଲା । ଆଉ ଏସବୁ ଭିତରେ ଅଚାନକ୍ ବୈଜୟନ୍ତଙ୍କୁ ମାମୁ ଘର କଥା ମନେ ପଡ଼ିଲା, ତାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଅନ୍ୟପଟେ, ବିଭିନ୍ନ ପ୍ରସଙ୍ଗରେ ଭିନ୍ନ ମତ ରଖିବା ନେଇ ପ୍ରତିକ୍ରିୟା ରଖିଛନ୍ତି ସାଂସଦ ବୈଜୟନ୍ତ ପଣ୍ଡା । ନିଜ ସ୍ୱାର୍ଥ ପାଇଁ ସେ କୌଣସି ମତ ରଖନ୍ତି ନାହିଁ, ବରଂ ଓଡ଼ିଶାର ଲୋକ ଏବଂ ଦଳୀୟ ସ୍ୱାର୍ଥକୁ ଦୃଷ୍ଟିରେ ରଖି ମତ ରଖନ୍ତି ।