ବ୍ରିଟେନରେ ପ୍ରଧାନମନ୍ତ୍ରୀ ପ୍ରାର୍ଥୀ ପାଇଁ ଚାଲିଛି ରେସ୍ । ସବୁଠୁ ଆଗରେ ଭାରତୀୟ ବଂଶୋଦ୍ଭବ ଋିଷି ସୁନକ
କନକ ବ୍ୟୁରୋ : ବିଟ୍ରେନ ପ୍ରଧାନମନ୍ତ୍ରୀ ରେସରେ ସବୁଠୁ ଆଗରେ ଭାରତୀୟ ବଂଶୋଦ୍ଭବ ତଥା କନଜରଭେଟିଭ ପାର୍ଟି ନେତା ଋିଷି ସନକ । ଭାରତୀୟ ବଂଶୋଦ୍ଭବ ଋିଷି ସୁନକ ପ୍ରଥମ ପର୍ଯ୍ୟାୟ ଭୋଟରେ ସବୁଠାରୁ ଆଗରେ ଥିବା ବେଳେ ଦ୍ୱିତୀୟ ପର୍ଯ୍ୟାୟ ଭୋଟ୍ ବି ତାଙ୍କ ସପକ୍ଷରେ ଯାଇଛି । ଦ୍ୱିତୀୟ ପର୍ଯ୍ୟାୟରେ ଋିଷି ୧୦୧ ଭୋଟ୍ ପାଇ ସମସ୍ତଙ୍କ ଠାରୁ ଆଗରେ ରହିଛନ୍ତି । ପୂର୍ବତନ ଅର୍ଥମନ୍ତ୍ରୀ ସୁନକ ପ୍ରତିଦ୍ୱନ୍ଦ୍ୱୀମାନଙ୍କୁ ପଛରେ ପକାଇ ନିଜର ସ୍ଥିତି ସୁଦୃଢ଼ କରିବାରେ ଲାଗିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବାଣିଜ୍ୟ ମନ୍ତ୍ରୀ ପେନ୍ନୀ ମୋର୍ଡଂଟ ୮୩ ଭୋଟ୍ ପାଇଥିବା ବେଳେ ବିଦେଶ ମନ୍ତ୍ରୀ ଲିଜ୍ ଟ୍ରସ୍ ୬୪ ଭୋଟ୍ ହାସଲ କରିଛନ୍ତି । ଏହା ପୂର୍ବରୁ ପ୍ରଥମ ପର୍ଯ୍ୟାୟ ଭୋଟିଂରେ ଋିଷି ସନକଙ୍କୁ ଜବରଦସ୍ତ ସମର୍ଥନ ମିଳିଥିଲା । ସେ ୮୮ ଭୋଟ ସହ ସବୁଠୁ ଆଗରେ ରହିଥିଲେ । ଭୋଟିଂରେ ଋିଷି ସନକଙ୍କୁ ୨୫ ପ୍ରତିଶତ ସାଂସଦଦଙ୍କ ସମର୍ଥନ ସହ ୮୮ ଭୋଟ ମିଳିଥିଲା । ୨ୟ ସ୍ଥାନରେ ବ୍ରିଟେନର ପେନ୍ନୀ ମୋର୍ଡଂଟ ୬୭ ଭୋଟ ସହ ରହିଥିଲା ବେଳେ ଲିଜ ଟ୍ରସ ୫୦ ଭୋଟ ସହ ୩ୟ ସ୍ଥାନରେ ରହିଥିଲେ ।