ସେପ୍ଟେମ୍ବର ୩୦ ପରେ ବି ଅଚଳ ନହୋଇପାରେ ଦୁଇ ହଜାର ଟଙ୍କିଆ ନୋଟ, ଦିଆଯାଇଥିବା ନିର୍ଦ୍ଧାରିତ ସମୟ ଭିତରେ କେତେ ନୋଟ ଫେରୁଛି ନଜର ରଖିବ ଆରବିଆଇ
କନକ ବ୍ୟୁରୋ : ଦୁଇ ହଜାର ଟଙ୍କିଆ ନୋଟକୁ ବଜାରରୁ ହଟାଇବା ପାଇଁ ଆରବିଆଇ ନିଷ୍ପତି ନେବା ପରେ ଏବେ ସମସ୍ତଙ୍କ ମନରେ ଅନେକ ପ୍ରଶ୍ନ । କ’ଣ ହେବ ୨ହଜାର ଟଙ୍କିଆ ନୋଟର ଭବିଷ୍ୟତ । ସେପ୍ଟେମ୍ବର ପରେ ଯଦି ଆପଣ ପାଖରେ ଦୁଇ ହଜାର ଟଙ୍କିଆ ନୋଟ ରହୁଛି ତାହାକୁ ମାନ୍ୟତା ମିଳିବା ନେଇ ସୂଚନା ମିଳିଛି । କେତେ ନୋଟ ଆରବିଆଇ ପାଖକୁ ଫେରୁଛି ତାକୁ ଷ୍ଟଡି କରି ପରବର୍ତୀ ଗାଇଡଲାଇନ ଆଣିବ ଆରବିଆଇ । ତେବେ ୨ହଜାର ଟଙ୍କିଆ ନୋଟ ତାର ଲିଗାଲ ଟେଣ୍ଡର ମାନ୍ୟତା ବଜାୟ ରଖିବ ବୋଲି କହିଛି ଆରବିଆଇ
Kanak News is now on WhatsApp
Join and get latest news updates delivered to you via WhatsApp
ତେବେ ଭାରତୀୟ ରିଜର୍ଭ ବ୍ୟାଙ୍କର ଏହି ନିଷ୍ପତି ପରେ ଯେଉଁମାନଙ୍କ ପାଖରେ ୨ ହଜାର ଟଙ୍କା ରହିଛି ସେମାନେ କ’ଣ କରିବେ ।
– ୨୦୨୩ ମେ’ ୨୩ରୁ ସେପ୍ଟେମ୍ବର ୩୦ ଭିତରେ ନୋଟ୍ଗୁଡ଼ିକୁ ବଦଳାଇ ହେବ
– ବ୍ୟାଙ୍କ ଶାଖା ଓ ଭାରତୀୟ ରିଜର୍ଭ ବ୍ୟାଙ୍କର ୧୯ଟି ଆଂଚଳିକ କାର୍ଯ୍ୟାଳୟରେ ସୁବିଧା ମିଳିବ
– ଲୋକମାନେ ଥରକେ ୨୦ ହଜାର ଟଙ୍କାର ୨ ହଜାର ଟଙ୍କିଆ ବଦଳାଇପାରିବେ
– ଦିନକୁ ୪ ହଜାର ଟଙ୍କା ପର୍ଯ୍ୟନ୍ତ ୨ ହଜାର ଟଙ୍କିଆ ବିଜନେସ୍ କରେସ୍ପଣ୍ଡେଂଟ ପାଖରେ ବଦଳାଇ ହେବ
– ଲୋକମାନେ ଯେକୌଣସି ବ୍ୟାଙ୍କ ଶାଖାରେ ୨ ହଜାର ଟଙ୍କିଆ ବଦଳାଇପାରିବେ
– ନିଜ ପାଖରେ ରହିଥିବା ୨୦୦୦ ଟଙ୍କିଆକୁ ନିଜ ବ୍ୟାଙ୍କ ଖାତାରେ ଜମା କରିପାରିବେ
– ନଚେତ୍ ୨୦୦୦ ଟଙ୍କିଆ ନୋଟ୍ ବଦଳାଇ ଅନ୍ୟ ଟଙ୍କା ଆଣିପାରିବେ
– ୨ ହଜାର ଟଙ୍କିଆ ନୋଟ୍ ବ୍ୟାଙ୍କରେ ସଂପୂର୍ଣ୍ଣ ମାଗଣାରେ ବଦଳାଇ ହେବ
– ନୋଟ୍ ବଦଳାଇବା ପାଇଁ ବରିଷ୍ଠ ନାଗରିକ ଓ ଦିବ୍ୟାଙ୍ଗଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା ହେବ
– ନୋଟ୍ ବଦଳାଇବା ପାଇଁ ବ୍ୟାଙ୍କ କର୍ମଚାରୀ ମନାକଲେ ବ୍ୟାଙ୍କ କର୍ତୃପକ୍ଷଙ୍କୁ ଜଣାଇପାରିବେ
ବିମୁଦ୍ରାକରଣ ପରେ ଦୁଇ ହଜାର ଟଙ୍କିଆ ନୋଟର ପ୍ରଚଳନ ନେଇ ବହୁ ପ୍ରଶ୍ନ ଉଠୁଛି । ବିଗତ କିଛି ଦିନ ହେବ ନୋଟ ଗାୟବ ହେବା ଚର୍ଚ୍ଚାର ବିଷୟ ପାଲଟିଥିଲା । କଳାଧନ ଗଚ୍ଛିତ ରଖିବାରେ ଏହି ଦୁଇ ହଜାର ଟଙ୍କା ନୋଟର ପ୍ରମୁଖ ଭୂମିକା ରହିଛି ବୋଲି କୁହାଯାଉଥିଲା । କାରଣ ଅନେକ ବଡ ବଡ ଚଢାଉ ବେଳେ ଦୁଇ ହଜାର ଟଙ୍କିଆ ନୋଟ ମିଳୁଥିଲା । ଏହି କାରଣ ଯୋଗୁଁ ଆରବିଆଇ ଦୁଇ ହଜାର ଟଙ୍କା ନୋଟକୁ ପ୍ରତ୍ୟାହାର କରିବାକୁ ନିଷ୍ପତି ନେଇଥିବା କୁହାଯାଉଛି ।