କନକ ବ୍ୟୁରୋ: ଉତ୍ତରପ୍ରଦେଶ ପୟାଗରାଜ ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ କାହାଣୀ ପରି ଆଉ ଏକ ଘଟଣା ସାମ୍ନାକୁ ଆସିଛି । ଘରେ ବୁଢି ଶାଶୁ କାନ୍ଦି କାନ୍ଦି ବେହଲା ହେଲେଣି । ସ୍ୱାମୀ ବି ଘୋର ଚିନ୍ତାରେ । ହେଲେ ଚାକିରି କରିବା ପରେ ଘରକୁ ଆସିବାକୁ ମନା କରୁଛି ସ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ସ୍ତ୍ରୀକୁ ପଢାଇବାକୁ ଜମି ବିକିଲେ, ଚାକର ଭଳି ଘରର ସବୁ କାମ କଲେ, ହେଲେ କନଷ୍ଟେବଳ ଚାକିରୀ ପାଇବା ପରେ ଆଉ ଘର ମୁହଁ ଚାହୁଁନି ସ୍ତ୍ରୀ । ଏଭଳି ଘଟଣା ଘଟିଛି ପ୍ରୟାଗରାଜଠାରୁ ୫୦ କିଲୋମିଟର ଦୂର ମେଜା ଜରାର ଗାଓରେ ।
ଏଠିକାର ବାସିନ୍ଦା ରବିନ୍ଦ୍ର କୁମାର ଏକ ଘରୋଇ କମ୍ପାନୀରେ କାମ କରନ୍ତି । ତାଙ୍କ ପତ୍ନୀ ରେଶମା ଏବେ ୟୁପି ପୁଲିସରେ କାର୍ଯ୍ୟରତା ରବିନ୍ଦ୍ର ସ୍ତ୍ରୀକୁ ପଢାଇବାକୁ ଜମି ବିକିଲେ, ହେଲେ ସରକାରୀ ଚାକିରୀ ହୋଇଯିବା ପରେ ପୁଲିସରେ ଭର୍ତ୍ତି ହେଲେ ରେଶମା, ଏବେ ଘରଠାରୁ ଦୂରେଇ ରହୁଛନ୍ତି । ସ୍ତ୍ରୀଙ୍କ ଏଭଳି ବ୍ୟବହାରରେ ଘର ଲୋକ ଏବଂ ରବିନ୍ଦ୍ର କୁମାର ଚିନ୍ତାରେ ଦିନ କାଟୁଛନ୍ତି ।
ରବିନ୍ଦ୍ରଙ୍କ କହିବା କଥା, ରେଶମା ଓ ତାଙ୍କ ବିବାହ ୨୦୧୭ରେ ହୋଇଥିଲା । ବିବାହର ବର୍ଷକ ଯାଏଁ ଦୁହିଁଙ୍କ ଭିତରେ ବହୁତ ଭଲ ସମ୍ପର୍କ ଥିଲା । ପାଠ ପଢିବାକୁ ଚାହିଁବାରୁ ରେଶମାଙ୍କ ପଢା ପାଇଁ ଜମି ବିକିଥିଲେ ରବିନ୍ଦ୍ର । ଖାଲି ସେତିକି ନୁହେଁ ସ୍ତ୍ରୀର ପଢାରେ ଯେପରି ବ୍ୟାଘାତ ନଘଟେ ସେଥିପାଇଁ ଘରର ଅଧିକାଂଶ କାମ ନଜେ ରବିନ୍ଦ୍ର କରନ୍ତି । ବୁଢି ଶାଶୁ ମଧ୍ୟ କାମରେ ସାହାଯ୍ୟ କରନ୍ତି । ବର୍ଷକ ପରେ ରେଶମା ପୁଲିସ ଇଣ୍ଟରଭ୍ୟୁରେ ସିଲେକ୍ସନ୍ । ହେଲେ ଏବଂ କନଷ୍ଟେବଲ ଭାବେ ନିଯୁକ୍ତ ହେଲେ । ବାସ୍ ସେବେଠୁ ସ୍ୱାମୀ ସ୍ତ୍ରୀଙ୍କ ମଧ୍ୟରେ ମନୋମାଳିନ୍ୟ ଆରମ୍ଭ ହେଲା । ଚାକିରୀ କ୍ଷେତ୍ରକୁ ଆଉ ଘରକୁ ଆସିବାକୁ ଚାହିଁଲେନି ରେଶମା । ଏନେଇ ଯେତେବେ ବୁଝାସୁଝା କଲେ ବି ବୁଝିବାକୁ ରାଜି ନଥିଲେ ରେଶମା । ଏଭଳି ସ୍ଥଳେ ତାଙ୍କ ପାଖକୁ ଯାଇଥିଲେ ରବିନ୍ଦ୍ର । ଫେରିବାରେ ଡେରି ହେବାରୁ ପୁଲିସରେ ନିଖୋଜ ମାମଲା ଦାଏର କରିଥିଲେ ରବିନ୍ଦ୍ରଙ୍କ ସମ୍ପର୍କୀୟ । କାରଣ ତାଙ୍କ ଉପରେ ସ୍ତ୍ରୀ ପକ୍ଷରୁ ବିପଦ ରହିଛି ବୋଲି କୁହାଯାଇଥିଲା ।
ସ୍ତ୍ରୀକୁ ଫେରିଆସିବାକୁ ରବିନ୍ଦ୍ର ବାରମ୍ବାର ଅନୁରୋଧ କରୁଥିଲେ ବି ରେଶମା କିନ୍ତୁ ଆସିବାକୁ ନାରାଜ । ପୁଲିସରେ ମାମଲା ଦାଏର କରି ତାଙ୍କ ଆତ୍ମସମ୍ମାନ କ୍ଷୁର୍ଣ୍ଣ କରିଥିବାରୁ ସେ ଫେରିବାକୁ ଚାହୁଁନଥିବା କହିଛନ୍ତି ସ୍ତ୍ରୀ ରେଶମା । ତେବେ ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ ଘଟଣା ପରଠୁ ସ୍ତ୍ରୀମାନଙ୍କୁ ଆଗକୁ ପଢାଇବାକୁ ଡରୁଥିବା ଏବଂ ପଢାରୁ ଦୂରେଇ ରଖିବାକୁ ସ୍ୱାମୀମାନେ ଚାହୁଁଥିବା ଖବର ଆସୁଛି ।