ଗରମ ଗୁଳୁଗୁଳି ଭିତରେ ଦୁର୍ଦ୍ଦଶା ବଢାଉଛି ବିଜୁଳିକାଟ୍ : ସାରା ରାଜ୍ୟରେ ଘନଘନ ପାୱାର କଟ୍; କିଏ ଗଛ ମୂଳେ ତ କିଏ ବିଞ୍ଚଣାର ନେଉଛି ଆଶ୍ରା
କନକ ବ୍ୟୁରୋ : କିଛି ଦିନ ହେଲା ଗରମ ଗୁଳୁଗୁଳି ଯୋଗୁ ଜନଜୀବନ ଅତିଷ୍ଠ ହୋଇପଡିଛି । ଆଉ ତା ସହିତ ଘନ ଘନ ବିଦ୍ୟୁତ କାଟ ଲୋକଙ୍କ ଦୁର୍ଦ୍ଦଶାକୁ ଆହୁରି ବଢାଇ ଦେଇଛି । ଦିନ ହେଉ କି ରାତି ପ୍ରତି ସମୟରେ ବିଦ୍ୟୁତ କାଟ ହେଉଛି । ଦିନ ସମୟରେ ତାତି ଅପେକ୍ଷା ରାତି ବେଳେ ଗରମ ଗୁଳଗୁଳି ଜୀବନ ଅତିଷ୍ଠ ହୋଇପଡୁଛି । ତା ସହିତ ଘନ ଘନ ବିଦ୍ୟୁତ କାଟ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ ସ୍ଥାନରେ ଏହି ଭଳି ବିଦ୍ୟୁତ କାଟ ହେଉଥିବା ବେଳେ ଅସହ୍ୟ ଗରମରୁ ରକ୍ଷା ପାଇବାକୁ କିଏ ଗଛ ମୂଳରେ ଆଶ୍ରା ନେଉଛି ତ ଆଉ କିଏ ବିଞ୍ଚଣାର ଆଶ୍ରା ନେଉଛି । ସେହଭିଳି ବିଦ୍ୟୁତ କାଟରେ ଜୀବନ ଅସହ୍ୟ ହେଉଥିବା ବେଳେ ପିଲାଙ୍କ ପାଠ ପଢାରେ ବ୍ୟାଘାତ ସୃଷ୍ଟି ହେଉଛି । ଘନ ଘନ ବିଦ୍ୟୁତ କାଟ ଲୋକଙ୍କ ଦୁର୍ଦ୍ଦଶା ବଢାଇ ଚାଲିଥିବା ବେଳେ ଏନେଇ ଅଭିଯୋଗ ହୋଇଛି । ହେଲେ ସମସ୍ୟା ପୂର୍ବବତ୍ ରହିଛି ।