ରାସ୍ତା ଉପରେ ଗାଡି ରଖିଥିଲେ । ଗାଡି ହଟାଇବାକୁ କହିବାରୁ ମଟନ ଦୋକାନରେ ପୋଲିସକୁ ମାଡ ମାରିଲେ ବିଏସଏଫ୍ ଆସିଷ୍ଟାଣ୍ଟ କମାଣ୍ଡାଣ୍ଟ ।
କନକ ବ୍ୟୁରୋ : ଭିଏସଏସ ନଗରରେ ଟ୍ରାଫିକ କନେଷ୍ଟବଳଙ୍କୁ ମରଣାନ୍ତକ ଆକ୍ରମଣ ଘଟଣା । ଟ୍ରାଫିକ କନେଷ୍ଟବଳ ମନୋଜ ବେହେରା, ଗୁରୁତର ଭାବେ ଆହତ ହୋଇ ହସ୍ପିଟାଲରେ ଭର୍ତି ହୋଇଛନ୍ତି । ଭିଏସଏସ ନଗର ହାଟରେ ଗାଡି ରଖିବାକୁ ନେଇ ଯୁକ୍ତିତର୍କରୁ, ଏହି ଅଭାବନୀୟ ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବିଏସଏଫ ଆସିଷ୍ଟାଂଟ କମାଣ୍ଡାଣ୍ଟ ସଂଗ୍ରାମ ବିଶ୍ୱାଳ ରାସ୍ତା ଉପରେ ଗାଡି ରଖିଥିଲେ । ତାଙ୍କୁ ଗାଡି ହଟାଇବାକୁ ଟ୍ରାଫିକ୍ କନେଷ୍ଟବଳ ମନୋଜ ବେହେରା କହିବାରୁ, ଯୁକ୍ତିତର୍କ ହୋଇଥିଲା । ତାପରେ ସଂଗ୍ରାମ, ମନୋଜଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ଏପରିକି ମନୋଜ ପୋଲିସ ପୋଷାକରେ ଥିଲେ ମଧ୍ୟ ମାଡ ମାରିବାକୁ ଟିକିଏ ବି ପଛାଇନଥିଲେ ସଂଗ୍ରାମ । ଅଭିଯୋଗ ପରେ ସଂଗ୍ରାମକୁ ଅଟକ ରଖି ପଚରାଉଚୁରା କରୁଛି ସହୀଦ ନଗର ପୋଲିସ ।