ବିକଶିତ ଭାରତ ମେସେଜକୁ ନେଇ କେନ୍ଦ୍ର ସରକାରଙ୍କୁ ନିର୍ବାଚନ କମିଶନରଙ୍କ ତାଗିଦ । କହିଲେ ତୁରନ୍ତ ବନ୍ଦ କରାଯାଉ ଏହି ମେସେଜ ପଠାଇବା
କନକ ବ୍ୟୁରୋ : ଗୁରୁବାର ଦିନ ନିର୍ବାଚନ ଆୟୋଗ କେନ୍ଦ୍ର ସରକାରଙ୍କ ଆଇଟି ମନ୍ତ୍ରଣାଳୟକୁ ନିର୍ଦ୍ଦେଶ ଦେଇଛନ୍ତି କି, ହ୍ୱାଟସଆପ୍ ମାଧ୍ୟମରେ ଲୋକଙ୍କ ମୋବାଇଲକୁ ପଠାଯାଉଥିବା ବିକଶିତ ଭାରତ ମେସେଜ ତୁରନ୍ତ ବନ୍ଦ କରାଯାଉ । ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ ହୋଇଥଲା କି, ନିର୍ବାଚନ ଆଚରଣବିଧୀ ଲାଗୁ ହେବା ପରେ ସରକାର ସରକାରୀ ଯୋଜନା ସହ ଜଡିତ ମେସେଜ ସାଧାରଣ ଲୋକଙ୍କ ନିକଟକୁ ପଠାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଭାଗୀୟ ମନ୍ତ୍ରଣାଳୟ ଏହା ଉପରେ ଜବାବ ରଖି କହିଛନ୍ତି କି, ଏହି ମେସେଜ ସବୁ ନିର୍ବାଚନ ଆଚରଣବିଧି ଲାଗୁ ହେବା ପୂର୍ବରୁ ପଠାଯାଇଥିଲା । ହେଲେ ସିଷ୍ଟମ ଓ ନେଟୱର୍କ ଅସୁବିଧା କାରଣରୁ ଏହା ବିଳମ୍ବରେ ଲୋକଙ୍କ ପାଖରେ ପହଂଚୁଛି ।
କେବଳ ସେତିକି ନୁହେଁ ନିର୍ବାଚନ ଆୟୋଗ ୮ ଜଣ ଜିଲ୍ଲାପାଳ ଓ ୮ ଜଣ ଏସପିଙ୍କ ବଦଳି ନିର୍ଦ୍ଦେଶ ଦେଇଛନ୍ତି । ଏହା ମଧ୍ୟରେ ଗୁଜରାଟ, ପଞ୍ଜାବ, ଓଡ଼ିଶା ଓ ଆସାମ ରାଜ୍ୟ ସାମିଲ ରହିଛି । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମାଙ୍କ ଭାଇ ସୁଶାନ୍ତ ବିଶ୍ୱଶର୍ମା (ଏସପି), କଂଗ୍ରେସ ସାଂସଦ ଜସବୀର ସିଂ ଗିଲଙ୍କ ଭାଇ ହରନାନବୀର ସିଂ (ଏସଏସପି) ମଧ୍ୟ ସାମିଲ ଅଛନ୍ତି ।