ୟୁକ୍ରେନରେ ପ୍ରାଣ ହରାଇଥିବା ଛାତ୍ରଙ୍କ ପରିବାର ସହ କଥାହେଲେ ପ୍ରଧାନମନ୍ତ୍ରୀ,ଦୁଃଖ ପ୍ରକାଶ କରି ଜଣାଇଲେ ସମବେଦନା
କନକ ବ୍ୟୁରୋ : ଋଷ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ଏବେ ୬ ଦିନରେ ପହଂଚିଛିି । ଏବେ ଋଷ ସେନା ପକ୍ଷରୁ ୟୁକ୍ରେନର ରାଜଧାନୀ କ୍ୱିବି ଉପରେ ଜୋରଦାର ଆକ୍ରମଣ କରାଯାଉଛି । ଏହାରି ମଧ୍ୟରେ ଋଷସେନା ଗୁଳିରେ ଜଣେ ଭାରତୀୟ ଛାତ୍ରଙ୍କ ମୃତ୍ୟୁକୁ ନେଇ ବିବାଦ ବଢିଛି ।
Kanak News is now on WhatsApp
Join and get latest news updates delivered to you via WhatsApp
କର୍ଣ୍ଣାଟକର ନବୀନ ନାମକ ଜଣେ ଯୁବକ ୟୁକ୍ରେନରେ ରହି ମେଡିକାଲ ପଢୁଥିବା ବେଳେ ଏହି ଯୁଦ୍ଧ ମଧ୍ୟରେ ପ୍ରାଣ ହରାଇଛନ୍ତି । ଏହି ଖବର ପାଇବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମୃତ ନବୀନଙ୍କ ପରିବାର ଲୋକଙ୍କ ସହ କଥା ହେବା ସହ ସମବେଦନା ଜଣାଇଛନ୍ତି ।
କହିରଖୁ କି ୟୁକ୍ରେନରେ ୨୦ ହଜାରରୁ ଅଧିକ ଭାରତୀୟ ଛାତ୍ର ମେଡିକାଲ ପଢିବାକୁ ସେଠାରେ ରହିଛନ୍ତି । ଯୁଦ୍ଧ ଆରମ୍ଭରୁ ଏପର୍ଯ୍ୟନ୍ତ ୯ ଟି ବିମାନରେ ସେମାନଙ୍କ ମଧ୍ୟରୁ କିଛି ଛାତ୍ରଙ୍କୁ ଭାରତ ସରକାର ଫେରାଇ ଆଣିବାରେ ସଫଳ ହୋଇଥିବା ବେଳେ ଏବେ ବି ହଜାର ହଜାର ଭାରତୀୟ ସେଠାରେ ଫଶି ରହିଛନ୍ତି । ଏନେଇ କେନ୍ଦ୍ର ସରକାର ସେମାନଙ୍କୁ ଫେରାଇ ଆଣିବାକୁ ପ୍ରୟାସ ଜାରି ରଖିଥିବା ବେଳେ କ୍ୱିବି ଛାଡି ପଳାଇ ଯିବାକୁ ଭାରତ ସରକାରଙ୍କ ପକ୍ଷରୁ ସେମାନଙ୍କ ଏକ ନିର୍ଦ୍ଦେଶନାମା ଜାରି କରାଯାଇଛି । ହେଲେ ଚାରିଆଡେ ଗୁଳି ଗୋଳା ଭିତରେ ଛାତ୍ରଛାତ୍ରୀମାନେ ଏବେ କେଉଁଠି ବଙ୍କର ତ କେଉଁଠି ରେଳ ଷ୍ଟେସନ ଭିତରେ ଆଶ୍ରୟ ନେଇଥିବା ଦେଖିବାକୁ ମିଳିଛି ।