ଶୀତକାଳୀନ ଅଧିବେଶନରେ ପ୍ରଧାନମନ୍ତ୍ରୀଙ୍କ ଆହ୍ୱାନ, ସଂସଦ ଚଳାଇବାରେ ସବୁଦଳ କରନ୍ତୁ ସହଯୋଗ
କନକ ବ୍ୟୁରୋ : ଆଜିଠାରୁ ଆରମ୍ଭ ହୋଇଛି ସଂସଦରେ ଶୀତକାଳୀନ ଅଧିବେଶନ । ଅଧିବେଶନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ ଅଭିଭାଷଣରେ କହିଛନ୍ତି କି, ଦେଶ ଏବେ ଆଜାଦୀ କା ଅମୃତ କାଳରେ ଆଗକୁ ବଢୁଛି । ଏହସହ ଦେଶରେ ଜି-୨୦ ସମ୍ମିଳନୀରେ ଅଧ୍ୟକ୍ଷତା କିରବାର ସୁଯୋଗ ମିଳିଥିବାରୁ ସେ ଖୁସିବ୍ୟକ୍ତ କରି କହିଛନ୍ତି କି, ସାରା ବିଶ୍ୱ ଏବେ ଭାରତ ଉପରେ ଆଶା ପ୍ରକଟ କରୁଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ବିରୋଧୀଦଳ ମାନଙ୍କ ଉର୍ଦ୍ଦେଶ୍ୟରେ ପ୍ରଧାନମନ୍ତ୍ରୀ କହିଛନ୍ତି କି, ଏହି ଅଧିବେଶନ ବିକାଶକୁ ଉପର ସ୍ତରକୁ ନେବା ପାଇଁ ଅନୁଷ୍ଠିତ ହେଉଛି । ଭାରତକୁ ଆଗକୁ ବଢିବାକୁ ହେଲେ ଅନେକ ମହତ୍ୱପୂର୍ଣ୍ଣ ନିଷ୍ପତ୍ତି ନେବାକୁ ପଡିବ । ଏହି କ୍ରମରେ ପ୍ରଧାନମନ୍ତ୍ରୀ ବିଶ୍ୱାସକୁ ନେଇଛନ୍ତି ଯେ ଅଧିବେଶନରେ ସମସ୍ତ ରାଜନୈତିକ ଦଳ ଚର୍ଚ୍ଚା କରିବାକୁ ମୁଖ୍ୟ ଉର୍ଦ୍ଦେଶ୍ୟ ଭାବନ୍ତୁ ।
In this session, efforts will be made to take important decisions while keeping in mind taking the country to new heights of development & new opportunities to take the country forward amid current global situation. I’m confident that all parties will add value to discussions: PM pic.twitter.com/j4l4jHPHTj
— ANI (@ANI) December 7, 2022
ଏହାସହ ପ୍ରଧାନମନ୍ତ୍ରୀ କହିଛନ୍ତି କି, ମୋର ସବୁ ସାଂସଦମାନଙ୍କ ସହ ଅଣଉପଚାରିକ ଭାବେ ଭେଟ ହୋଇଛି । ସେମାନେ କହୁଛନ୍ତି କି ସଂସଦରେ ହଟ୍ଟଗୋଳ ଯୋଗୁଁ ଆଲୋଚନାକୁ ସ୍ଥଗିତ ରଖିବାକୁ ପଡୁଛି । ଏହାପରେ ସେମାନଙ୍କର ଅନେକ କ୍ଷତି ହେଉଥିବା କଥା ସେ କହିଛନ୍ତି । ସେପଟେ ଯୁବ ସାଂସଦମାନେ ଅଭିଯୋଗ କରିଛନ୍ତି କି, ସଂସଦ ଚାଲିବା ବେଳେ ସେମାନେ ଯାହା ଶିଖିବା କଥା ତାହା ଶିଖିପାରୁ ନାହାଁନ୍ତି ।