ମହଙ୍ଗା ଦର ରେକର୍ଡ ଛୁଇଁବା ପରେ ପୁଣି ବଢିବ ଇନ୍ଧନ ମୁଲ୍ୟ, ଜାଣନ୍ତୁ କଣ ରହିଛି ସରକାରଙ୍କ ଯୋଜନା
କନକ ବ୍ୟୁରୋ : ଏବେ କିଛିଦିନ ହେବ ଦେଶରେ ଇନ୍ଧନର ଦାମ ସ୍ଥିର ରହିଛି । ଏନେଇ ଉପଭୋକ୍ତାମାନେ ଟିକେ ଆଶ୍ୱସ୍ଥ ହୋଇଥିବା ବେଳେ ଆଜି ଦେଶର ମହଙ୍ଗା ଦର ରିପୋର୍ଟ ଆସିବା ପରେ ଅଶଂକା କରାଯାଉଛି କି, ସରକାର ଏହାର ନିରାକରଣ ଭାବେ ପ୍ରଥମେ ପେଟ୍ରୋଲ ଓ ଡିଜେଲ ଉପରେ ଏକ ବଡ ମାତ୍ରାର ଦାମ ବୃଦ୍ଧି କରିପାରନ୍ତି । ସୂତ୍ର ସୂଚନା ମୁତାବକ ଏଥର ପେଟ୍ରୋଲ ଠାରୁ ଡିଜେଲର ଦାମ ଅଧିକ ବୃଦ୍ଧି ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଏକ ଜାତୀୟ ଗଣମାଧ୍ୟମ ସହ ଆଲୋଚନା ବେଳେ ଜଣେ ବିଭାଗୀୟ ସରକାରୀ ଅଧିକାରୀ କହିଛନ୍ତି କି ସରକାର ମହଙ୍ଗାମାଡରୁ ରକ୍ଷା ପାଇବା ପାଇଁ ଗୋଟିଏ ଥରରେ ପେଟ୍ରୋଲ ଡିଜେଲର ଦାମ ବଢାଇବା ପରିବର୍ତ୍ତେ ଧିରେ ଧିରେ ଦାମ ବୃଦ୍ଧି କରିପାରନ୍ତି । ସେପଟେ ତେଲ ବିକ୍ରୟ କରୁଥିବା କମ୍ପାନୀମାନେ ସରକାରଙ୍କ ପାଖରେ ଦାବି କରିଛନ୍ତି କି ସେମାନେ ଗୋଟିଏ ଲିଟର ଡିଜେଲ ଉପରେ ୨୫ ଟଙ୍କା ଓ ପେଟ୍ରୋଲ ଉପରେ ୧୦ ଟଙ୍କା କ୍ଷତି ସହୁଛନ୍ତି । ଏହି କ୍ରମରେ ସରକାର ଡିଜେଲ ଲିଟର ପ୍ରତି ୩-୪ ଟଙ୍କା ଓ ପେଟ୍ରୋଲ ଉପରେ ୨-୩ ଟଙ୍କା ବୃଦ୍ଧି କରିପାରନ୍ତି ।
କହିରଖୁ କି ଚଳିତ ବର୍ଷ ମାର୍ଚ୍ଚ ୨୨ ତାରିଖରୁ ଏପ୍ରିଲ ୬ ତାରିଖ ମଧ୍ୟରେ ଡିଜେଲ ଓ ପେଟ୍ରୋଲର ଦାମ ୧୪ ଥର ବୃଦ୍ଧି ହୋଇଛି । ଅର୍ଥାତ ୪୦ ଦିନ ଧରି ପେଟ୍ରୋଲ ଓ ଡିଜେଲର ଦାମ ସ୍ଥିର ରହିଛି । ସେପଟେ ଭାରତ ଆବଶ୍ୟକ କରୁଥିବା ତୈଳ ମଧ୍ୟରୁ ୮୦ ପ୍ରତିଶତ ତୈଳ ବିଦେଶରୁ ଆମଦାନୀ କରୁଛି । ଏଥି ମଧ୍ୟରୁ ସର୍ବାଧିକ କଚ୍ଚାତେଲ ପଶ୍ଚିମ ଏସିଆ ଦେଶମାନଙ୍କୁ ଆମଦାନୀ କରାଯାଇଥାଏ ।