ପଠାନ ବିବାଦ: ବିଶ୍ୱ ହିନ୍ଦୁ ପରିଷଦର ବୟାନ, ‘କ୍ଷମାମାଗନ୍ତୁ ଶାହରୁଖ ଖାନ’
କନକ ବ୍ୟୁରୋ: ବଲିଉଡ ଷ୍ଟାର ଶାହରୁଖ ଖାନଙ୍କ ଫିଲ୍ମ ‘ପଠାନ’ର ‘ବେଷର୍ମ ରଙ୍ଗ’ ଗୀତକୁ ନେଇ ବିବାଦ ଦେଖାଦେଇଛି । ଏବେ ଏହି ବିବାଦ ଦିନକୁ ଦିନ ବଢିବାରେ ଲାଗିଛି । ବର୍ତ୍ତମାନ ବିଶ୍ୱ ହିନ୍ଦୁ ପରିଷଦ ପଦାଧିକାରୀ କହିଛନ୍ତି ଯେ, ଯଦି ଶାହାରୁଖ କ୍ଷମା ନ ମାଗନ୍ତି ତେବେ ଫିଲ୍ମକୁ ରିଲିଜ କରିବାକୁ ଦିଆଯିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ବେଷର୍ମ ରଙ୍ଗ ଗୀତ ଆସିବା ପରେ ଶାହାରୁଖ ଖାନ ଏବଂ ଦୀପିକା ପାଦୁକୋନଙ୍କ କେମେଷ୍ଟ୍ରେୀର ଚର୍ଚ୍ଚା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗୀତରେ ଫ୍ୟାନ୍ସମାନେ ଅନେକ ଦିନ ପରେ ଦୀପିକାଙ୍କ ବୋଲ୍ଡ ଏବଂ ଗ୍ଲାମରସ ଅନ୍ଦାଜ ଦେଖିବାକୁ ପାଇଛନ୍ତି । ତେବେ ଏହାରି ଭିତରେ ଗୋଟିଏ ଖାସ ସିନକୁ ନେଇ ବେସ ହଙ୍ଗାମା ଦେଖିବାକୁ ମିଳିଛି । ଏଥିରେ ଦୀପିକା ଗେରୁଆ ରଙ୍ଗର ବିକିନି ପିନ୍ଧିଥିବା ଦେଖିବାକୁ ମିଳିଛି ।
ବିଶ୍ୱ ହିନ୍ଦୁ ପରିଷଦ ଏହି ଗୀତକୁ ନେଇ ବର୍ତ୍ତମାନ ଆପତ୍ତି ଉଠାଇଛି । ସଂଗ୍ଠନର ମୁଖପାତ୍ର ବିନୋଦ ବଂସଲ କହିଛନ୍ତି, ଗେରୁଆକୁ ଅଶାଳୀନ ଭାବେ ଉପସ୍ଥାପନା କରିବା ତଥା ଆପତ୍ତିଜନକ କାମ କରିବା ହିନ୍ଦୁ ବିରୋଧୀ ମାନସିକତାର ପରିଚୟ ଦେଉଛି । ଏହି ବାବଦ ମଧ୍ୟରେ ଶାହରୁଖ ଖାନ କୋଲକାତା ଚଳଚ୍ଚିତ୍ର ଉତ୍ସବରେ ତାଙ୍କ ଉପରେ ସୋସିଆଲ ମଡିଆରେ ହେଉଥିବା ଅଭିଯୋଗକୁ କଡା ଜବାବ ଦେଇଥିଲେ । ତାଙ୍କର ଏହି ପ୍ରତିକ୍ରିୟା ଲୋକଙ୍କୁ ବେସ ପସନ୍ଦ ଆସିଛି । ତେବେ ଏହି ଗୀତକୁ ନେଇ ବିବାଦ ଆହୁରି ଘନେଇବାରେ ଲାଗିଛି ।
ଶାହାରୁଖଙ୍କ ପ୍ରତିକ୍ରିୟା ଆସିବା ପରେ ଏହା ଉପରେ ପ୍ରତିଆକ୍ରମଣ କରି ବିଶ୍ୱ ହିନ୍ଦୁ ପରିଷଦ ଜବାବ ରଖିଛି । ସଂଗଠନର ଯୁଗ୍ମ ସମ୍ପାଦକ ସୁରେନ୍ଦ୍ର ଜୈନ କହିଛନ୍ତି, ଶାହରୁଖଙ୍କ ବ୍ୟବହାର ଠିକ ନୁହେଁ । ସେ କ୍ଷମାମାଗିବା ପରିବର୍ତ୍ତେ ବ୍ୟବହାର ଖରାପ କରୁଛନ୍ତି । ଯଦି ଶାହାରୁଖ କ୍ଷମା ନମାଗନ୍ତି ତେବେ ତାଙ୍କ ଫିଲ୍ମକୁ ରିଲିଜ କରିବା ପାଇଁ ଦିଆଯିବ ନାହିଁ । ସେ କହିଛନ୍ତି ହିନ୍ଦୁ ଧର୍ମ ସହ ପୂରା ଭାରତର ଅପମାନ ମଧ୍ୟ କରୁଛନ୍ତି ।