କନକ ବ୍ୟୁରୋ : ଆଗକୁ ପୁଣି ଭୟଙ୍କର ହେବ ଋଷ-ୟୁକ୍ରେନ ଯୁଦ୍ଧ । ଡିସେମ୍ବର ଶେଷ ସପ୍ତାହରେ ୟୁକ୍ରେନର ରାଜଧାନୀ କିଭକୁ ପ୍ରାୟ ୨ଲକ୍ଷ ସେନା ପଠାଇବାକୁ ଯୋଜନା କରୁଛି ରୁଷ । ୟୁକ୍ରେନକୁ ଚାରିପଟୁ ଘେରି ଆକ୍ରମଣକୁ ଅଧିକ ଜୋରଦାର କରିବା ପାଇଁ ମାଷ୍ଟରପ୍ଲାନ କରିଛନ୍ତି ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ । ସେପଟେ ବ୍ଲାକସିରୁ କ୍ରେମଲିନ ୟୁକ୍ରେନ ଉପରକୁ ୬୦ଟି ମିସାଇଲ ଆକ୍ରମଣ କରିଥିବା ସୂଚନା ରହିଛି । ବର୍ତମାନ କିଭରେ ଘନଘନ ବୋମା, ମିସାଇଲ ଓ ଗୁଳିମାଡ ହେଉଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆମେରିକା ଖୁବ ଶିଘ୍ର ୟୁକ୍ରେନକୁ ଅତ୍ୟାଧୁନିକ ଅସ୍ତ୍ରଶସ୍ତ୍ର ସହ ଘାତକ ସ୍କାଟ ବମ ଅର୍ଥାତ ପୋଟ୍ରିଏଟ ମିସାଇଲ ପଠାଇବ ବୋଲି ୱାଶିଂଟନ ପୋଷ୍ଟରେ ଏକ ଖବର ପ୍ରକାଶ ପାଇଛି । ଯୁଦ୍ଧ ଭିତରେ ପ୍ରଧାନମନ୍ତ୍ରୀ ମୋଦୀ ଓ ରୁଷ ରାଷ୍ଟ୍ରପତି ଭ୍ଲାଦିମୀର ପୁଟିନଙ୍କ ମଧ୍ୟରେ ଫୋନରେ ଆଲୋଚନା ହୋଇଥିବା ଜଣାପଡିଛି । ପୁଣି ଥରେ କୁଟନୀତିସ୍ତରରେ ସମସ୍ୟାର ସମାଧାନ କରିବା ପାଇଁ ରୁଷକୁ ପୁଣି ଥରେ ମୋଦୀ ଅପିଲ କରିଥିବା ଜଣାପଡିଛି ।