କରୋନା ସଂକଟ ଭିତରେ ଆରମ୍ଭ ହେଲା ସଂସଦର ବଜେଟ୍ ଅଧିବେଶନ । ରାଷ୍ଟ୍ରପତି କହିଲେ ଚାଷୀଙ୍କ ସ୍ୱାର୍ଥ ରକ୍ଷା କରିବ ୩ଟି କୃଷି ଆଇନ
କନକ ବ୍ୟୁରୋ: କରୋନା ସଂକଟ ଓ କୃଷକମାନଙ୍କ ଆନ୍ଦୋଳନ ଭିତରେ ଆରମ୍ଭ ହୋଇଛି ସଂସଦର ବଜେଟ ଅଧିବେଶନ । ରାଷ୍ଟ୍ରପତି ରାମନାଥ କୋବିନ୍ଦ ସମ୍ବୋଧନ ସହିତ ଅଧିବେଶନ ଆରମ୍ଭ ହୋଇଛି । ରାଷ୍ଟ୍ରପତି ତାଙ୍କ ସମ୍ବୋଧନରେ ପ୍ରଥମେ କରୋନା ସମୟରେ ହରାଇଥିବା ଲୋକଙ୍କୁ ମନପକାଇ ଦୁଃଖ ପ୍ରକାଶ କରିଥିଲେ । ଏହା ସହ ରାଷ୍ଟ୍ରପତି କୋବିନ୍ଦ କହିଛନ୍ତି ଯେ, କୃଷକଙ୍କ ସ୍ୱାର୍ଥ ପାଇଁ ସରକାର ସବୁବେଳେ ଚିନ୍ତା କରୁଛନ୍ତି । ସ୍ୱାମୀନାଥନ କମିସନଙ୍କ ସୁପାରିସକୁ ଅନୁସରଣ କରି ସରକାର ଏମଏସପି ମୂଲ୍ୟ ଦ୍ୱିଗୁଣ କରିବାକୁ ନିଷ୍ପତ୍ତି ନେଇଛନ୍ତି । ଅନେକ ବିଚାର ବିମର୍ଷ ପରେ ସଂସଦରେ କୃଷି ବିଲ ପାସ୍ ହୋଇଥିଲା ଏବଂ ଏହାଦ୍ୱାରା ୧୦କୋଟି ଛୋଟ ଚାଷୀ ଲାଭ ପାଇବେ ବୋଲି କହିଛନ୍ତି ରାଷ୍ଟ୍ରପତି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ କିପରି ରହିବ ସଂସଦା ବଜେଟ ଅଧିବେସନ ସେ ନେଇ ସଙ୍କେତ ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ୨୦୨୦ରେ ଅର୍ଥମନ୍ତ୍ରୀ ଯେଉଁଭଳି ଭାବେ ୩ରୁ ୪ଟି ମିନି ବଜେଟ ଉପସ୍ଥାପନ କରିଥିଲେ, ଆସନ୍ତା ବଜେଟ ତାର ଏକ ଅଂଶ ବିଶେଷ ହେବ । ଆମେ ଚଳିତ ବଜେଟକୁ ଉକ୍ତ ମିନି ବଜେଟର ଅଂଶ ଭାବେ ଦେଖିବା ବୋଲି କହିଛନ୍ତି ମୋଦୀ ।
କେମିତି ହେବ ୨୦୨୧-୨୨ ଆର୍ଥିକ ବର୍ଷ ପାଇଁ କେନ୍ଦ୍ରୀୟ ବଜେଟ? ବିଶେଷଜ୍ଞଙ୍କ କହିବା ଅନୁସାରେ, ବର୍ତମାନ ସ୍ୱାସ୍ଥ୍ୟ କ୍ଷେତ୍ର ଉପରେ ଗୁରୁତ୍ୱ ଦେବାର ସମୟ ଆସିଯାଇଛି । ଏହା ବ୍ୟତିତ ଏମଏସଏମଇ, ପର୍ଯ୍ୟଟନ ପରି କ୍ଷେତ୍ରକୁ ନଜର ଦେଇ ବଜେଟ କରାଯିବା ଉଚିତ । ମଧ୍ୟବିତଙ୍କୁ ଇନକମ ଟାକ୍ସ କ୍ଷେତ୍ରରେ ଆହୁରି କୋହଳ ଦେଲେ ଅର୍ଥନିତୀ ଗତିଶୀଳ ହେବା ପାଇଁ ଏହା ସାହାଯ୍ୟ କରିବ ।