କନକ ବ୍ୟୁରୋ: ସଂସଦର ଶୀତକାଳୀନ ଅଧିବେଶନରେ ବିରୋଧୀ- ଶାସକ ଦଳ ମୁହାଁମୁହିଁ । ଉଭୟ ଗୃହରୁ୧ ୪୦ରୁ ଅଧିକ ସାଂସଦ ନିଲମ୍ବନ ପରେ ବିରୋଧୀ କେନ୍ଦ୍ର ସରକାର ବିରୋଧରେ ପ୍ରତିବାଦ କରିଛନ୍ତି । ଗୁରୁବାର ବିରୋଧୀ ସାଂସଦମାନେ ସରକାରଙ୍କ ବିରୋଧରେ ପ୍ରତିବାଦ ଶୋଭାଯାତ୍ରା ବାହାର କରିଥିଲେ । ଇଣ୍ଡିଆ ମେଂଟ ତରଫରୁ ବାହାରିଥିବା ଏହି ଶୋଭାଯାତ୍ରା ସଂସଦ ଭବନରୁ ବିଜୟ ଚୌକ ପର୍ଯ୍ୟନ୍ତ କରାଯାଇଥିଲା । ଏଥିରେ କଂଗ୍ରେସ ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ସମେତ ବିରୋଧୀ ଦଳର ସାଂସଦ ସାମିଲ ହୋଇଥିଲେ । ସାଂସଦଙ୍କ ହାତରେ ଏକ ବଡ଼ ବ୍ୟାନର ଥିଲା । ଯେଉଁଥିରେ ଲେଖାଥିଲା, ‘ଗଣତନ୍ତ୍ର ବଂଚାଅ ଏବଂ ସଂସଦ ବନ୍ଦ, ଗଣତନ୍ତ୍ର ବହିଷ୍କୃତ’ । ଶୋଭାଯାତ୍ରାର ନେତୃତ୍ୱ ନେଉଥିବା ଖଡଗେ ବିଜେପି ବିରୋଧରେ ସାଂଘାତିକ ଅଭିଯୋଗ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଟିଏମସି ସାଂସଦ କଲ୍ୟାଣ ବାନାର୍ଜୀଙ୍କ ଦ୍ୱାରା ଉପରାଷ୍ଟ୍ରପତି ଜଗଦୀପ ଧନଖଡଙ୍କ ନକଲକୁ ନେଇ ଦେଶବ୍ୟାପୀ ପ୍ରତିବାଦ କରୁଛି ବିଜେପି । ଦିଲ୍ଲୀ ଜନ୍ତର ମନ୍ତରରେ ବିଜେପି ପକ୍ଷରୁ ଜୋରଦାର ବିକ୍ଷୋଭ ପ୍ରଦର୍ଶନ କରାଯାଇଛି । କଂଗ୍ରେସ ସାଂସଦ ରାହୁଲ ଗାନ୍ଧୀ ଓ ଟିଏମ୍ସି ସାଂସଦ କ୍ଷମା ମାଗନ୍ତୁ ବୋଲି ବିଜେପ ଦାବି କରିଛି । ସେପଟେ ବିହାରରେ ବିଜେପି ସମର୍ଥକମାନେ କଲ୍ୟାଣ ବାନାର୍ଜୀଙ୍କ କୁଶପୁତଳିକା ଦାହ କରି ପ୍ରତିବାଦ ଜଣାଇଛି । ଏପଟେ ଧନଖଡଙ୍କ ପାଇଁ ଆଗକୁ ଆସିଛନ୍ତି ଚାଷୀ । ଧନଖଡ ଜଣେ ଚାଷୀ ଘରର ହୋଇଥିବାରୁ ଜନ୍ତରମନ୍ତରରେ ଚାଷୀ ସଂଗଠନ ଧନଖଡଙ୍କ ସମର୍ଥନରେ ଧାରଣା ଦେଇଛନ୍ତି ।
ସଂସଦରେ ଉଭୟ ଶାସକ ଓ ବିରୋଧୀ ମୁହାଁମୁହିଁ ପରିସ୍ଥିତି ଯୋଗୁଁ ଗୃହ କାର୍ଯ୍ୟ ଠିକ୍ ଭାବେ ଚାଲିପାରିନି । ଆଉ ବିନା ବିରୋଧୀରେ ଗୃହ ଚାଲୁଥିବାରୁ ଅନେକ ଅସନ୍ତୁଷ୍ଟ ମଧ୍ୟ ହୋଇଛନ୍ତି ।