ଟମାଟୋ ପରେ ପିଆଜ ପାଳି ! ୧୦ ଦିନରେ ଦୁଇ ଗୁଣା ବଢିଲା ଦର
କନକ ବ୍ୟୁରୋ : ଟମାଟୋ ଦର ଟିକେ କମିଥିବା ବେଳେ ଦୁଇ ଗୁଣା ବଢିଛି ପିଆଜ । ପିଆଜ ଦର ହଠାତ୍ ବୃଦ୍ଧି ପାଇଥିବା ବେଳେ ବ୍ରହ୍ମପୁର ବଜାରରେ ପିଆଜ ଖୁଚୁରାରେ ୨୪ ରୁ ୨୬ ଟଙ୍କାରେ ବିକ୍ରି ହେଉଛି । ସେହିଭଳି ହୋଲସେଲରେ ରେଟ ରହିଛି ୧୮ ଟଙ୍କା । ଫଳରେ ଗ୍ରାହକ ଅସନ୍ତୁଷ୍ଟ ଥିବା ବେଳେ କିଛି ବେପାରୀ ମଧ୍ୟ ପିଆଜ ବିକିବାକୁ ଡ଼ରିଗଲେଣି । କାରଣ ମହାରାଷ୍ଟ୍ରରୁ ପିଆଜ ଆମଦାନୀ ବନ୍ଦ ହୋଇଯାଇଛି । ଏବେ ଅପେକ୍ଷା ବାଙ୍ଗଲୋର ଓ ଆନ୍ଦ୍ରପ୍ରଦେଶ ପିଆଜକୁ । ତେବେ ପିଆଜ ଦର ବୃଦ୍ଧି ପାଇଥିବା ବେଳେ କଳାବଜାରୀର ଭୟ ମଧ୍ୟ ରହିଛି । ମାର୍କେଟରେ କଳା ବଜାରୀ ରୋକିବା ପାଇଁ କଡା ପଦକ୍ଷେପ ନେଉଛି ଜିଲ୍ଲା ପ୍ରଶାସନ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ହେବ ଟମାଟୋ ଦର ୧୦୦ଟଙ୍କା ଛୁଇଁଥିଲା ଆଉ ଏବେ ପିଆଜ ଦର ବି ହୁ ହୁ ହୋଇ ବଢୁଛି । ଢେଙ୍କାନାଳ ପରିବା ବଜାରରେ ୩୦ ତାରିଖରେ ପିଆଜ କିଲୋ ପ୍ରତି ୧୪ ଟକାଂ ଥିବା ବେଳେ ଏବେ ୨୨ । କିଲୋପ୍ରତି ୬ ରୁ ୮ ଟଙ୍କା ବୃଦ୍ଧିକୁ ନେଇ ଚିନ୍ତାରେ ଖାଉଟି । ପିଆଜ ଦର ବୃଦ୍ଦି ସତ୍ୱେ ପ୍ରଶାସନ ପକ୍ଷରୁ କୌଣସି ନିର୍ଦିଷ୍ଟ ନିୟମାବଳୀ ଲାଗୁ ହୋଇନାହିଁ । ଫଳରେ ଜିଲ୍ଲାରେ ଥିବା ଗୋଦାମ ମାଲିକମାନେ ପିଆଜକୁ ଲୁଚାଇ ରଖି ଏକପ୍ରକାର କୃତ୍ରିମ ଅଭାବ ସୃଷ୍ଟ କରିଥିବା ଅଭିଯୋଗ ହୋଇଛି । ଏବେର ସ୍ଥିତି ଏଭଳି ହୋଇଛି ଯେ, ଦୈନିକ ୩ରୁ ୪ ପକେଟ ପିଆଜ ବିକୁଥିବା ଦୋକାନୀ ଏବେ ଗୋଟିଏ ବସ୍ତା ବିକ୍ରି କରିବା କଷ୍ଟକର ହୋଇପଡିଛି ।