ଜାତୀୟ ଏବଂ ଅନ୍ତର୍ଜାତୀୟ ମଂଚରେ ଓଡିଆ ପ୍ରତିଭାଙ୍କ ଜୟଯାତ୍ରା ଅତୀତରେ ଅନେକ ଦେଖିବାକୁ ମିଳିଛି । ଏକାଧିକ ଓଡିଆ ନିଜ ପ୍ରତିଭା ବଳରେ ସୃଷ୍ଟି କରିଛନ୍ତି ସ୍ୱତନ୍ତ୍ର ପରିଚୟ । କୌଣସି ରିୟଲିଟି ସୋ ହେଉ କିମ୍ବା ସୌନ୍ଦର୍ଯ୍ୟ ପ୍ରତିଯୋଗିତା, ଅନେକ ପ୍ରତିଭା ଓଡିଶା ପାଇଁ ଗୌରବର କାରଣ ପାଲଟିଛନ୍ତି । ଏବେ ଏହି ଓଡିଆ ପ୍ରତିଭାଙ୍କ ମଧ୍ୟରେ ଯୋଡି ହୋଇଛି ଆଉ ଦୁଇ ନାମ । ସେମାନେ ହେଲେ ସୁଶ୍ରୀତା ଚୌଧୁରୀ ଏବଂ ଏକତା ସ୍ୱାଇଁ ଓବରୟ ।
Kanak News is now on WhatsApp
Join and get latest news updates delivered to you via WhatsApp
ସମ୍ମାନଜନକ ହଟ୍ ମଣ୍ଡ୍ ମିସେସ୍ ଇଣ୍ଡିଆ ୱଲର୍ଡ ୱାଇଡ୍ ପ୍ରତିଯୋଗିତାର ଫାଇନାଲକୁ ସିଲେକ୍ଟ ହୋଇଛନ୍ତି ଉଭୟ ସୁଶ୍ରୀତା ଏବଂ ଏକତା । ଦିଲ୍ଲୀରେ ଅଗଷ୍ଟ ୫ ତାରିଖରେ ଏହି ପ୍ରତିଯୋଗୀତାର ଚୁଡାନ୍ତ ପର୍ଯ୍ୟାୟ ହେବ ।
ସୁଶ୍ରୀତାଙ୍କ ଜନ୍ମ ଭୁବନେଶ୍ୱରରେ ହୋଇଥିବା ବେଳେ ସେ ରିଜର୍ଭ ପୋଲିସର ଏସପି ଥିବା ସୁନିଲ କୁମାର ଚୌଧୁରୀ ଏବଂ ମମତା ଚୌଧୁରୀଙ୍କ କନ୍ୟା । ସୁଶ୍ରୀତା ଏକ ଖ୍ୟାତନାମା କମ୍ପାନୀରେ ଏଚଆର ଭାବେ ଚାକିରି କରୁଛନ୍ତି । ସେହପରି କଟକରେ ଜନ୍ମଗ୍ରହଣ କରିଥିବା ଏକତା ରେଭେନ୍ସାରୁ ନିଜ ଗ୍ରାଜୁଏସନ୍ ଶେଷ କରିବା ପରେ ଏମବିଏ କରିଥିଲେ । ବର୍ତ୍ତମାନ ସେ ବେଙ୍ଗାଲୁରୁର ଷ୍ଟାଣ୍ଡର୍ଡ ଚାଟାର୍ଡ ବ୍ୟାଙ୍କରେ ଆସିଷ୍ଟାଂଟ୍ ଭାଇସ୍ ପ୍ରେସିଡେଂଟ୍ ଅଛନ୍ତି ।