ନିର୍ମଳାଙ୍କ ଟ୍ୱିଟ୍ ପରେ ଭାଙ୍ଗିଲା ବ୍ୟାଙ୍କର ନିଦ : ହ୍ୱିଲଚେୟାର ସହ ପ୍ରତିମାସରେ ଘରେ ପେନସନ୍ ଯୋଗାଇବାକୁ ଦେଲା ପ୍ରତିଶ୍ରୁତି
କନକ ବ୍ୟୁରୋ : ପରିଣତ ବୟସରେ ଭଙ୍ଗା ଗୋଡ଼ରେ ପ୍ଲାଷ୍ଟିକ ଚେୟାର ସାହାଯ୍ୟରେ ଚାଲି ଚାଲି ପେନସନ ପାଇଁ ଯାଉଥିବା ଭିଡିଓକୁ ନେଇ ଏସବିଆଇକୁ ତାଗିଦ କଲେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ନବରଙ୍ଗପୁର ଝରିଗାଁର ବୃଦ୍ଧାଙ୍କ ଭିଡିଓକୁ ସେୟାର କରି ନିର୍ମଳା ସୀତାରମଣ ଏନେଇ ଷ୍ଟେଟ ବ୍ୟାଙ୍କ ଅବଗତ ଅଛନ୍ତି କି ନାହିଁ ଏବଂ ମାନବିକତା ଦୃଷ୍ଟିରୁ କଣ ପଦକ୍ଷେପ ନେଇଛନ୍ତି କି ବୋଲି ପ୍ରଶ୍ନ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ନବରଙ୍ଗପୁର ଝରିଗାଁ ବ୍ଲକ ବଣୁଆଗୁଡାର ସୂର୍ଯ୍ୟ ହରିଜନ ପେନସନ ଟଙ୍କା ପାଇଁ ପ୍ଲାଷ୍ଟିକ ଚେୟାରରେ ଏପରି ଯାଉଥିବାର ଦେଖିବାକୁ ମିଳିଥିଲା । ନିର୍ମଳା ସୀତାରମଣଙ୍କ ଟ୍ୱିଟ ପରେ ତତ୍ପର ହୋଇଉଠିଛି ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ । ଉତର ରଖି ଏସବିଆଇ କହିଛି ଝରିଗାଁରେ ଥିବା ସିଏସପି ପଏଣ୍ଟରୁ ପେନସନ ଟଙ୍କା ଉଠାଉଥିଲେ । କିନ୍ତୁ ସିଏସପି ପଂଏଟରେ ତାଙ୍କ ଫିଙ୍ଗର ପ୍ରିଣ୍ଟ ମ୍ୟାଚ ନକରିବାରୁ ଝରିଗାଁ ବ୍ରାଞ୍ଚକୁ ତାଙ୍କ ସମ୍ପର୍କୀୟଙ୍କ ସହ ଆସିଥିଲେ । ଏହାପରେ ତାଙ୍କୁ ତୁରନ୍ତ ପେନସନ ଟଙ୍କା ଦେଇ ଦିଆଯାଇଥିଲା । ତେବେ ଆସନ୍ତା ମାସଠାରୁ ତାଙ୍କ ଘରେ ପେନସନ ଟଙ୍କା ଦେଇ ଆସିବାକୁ ପ୍ରତିଶ୍ରୁତି ଦେଇଛି ଏସବିଆଇ । ଏହା ସହ ତାଙ୍କୁ ଏକ ହ୍ୱିଲ ଚେୟାର ଯୋଗାଇ ଦେବାକୁ ମଧ୍ୟ ଷ୍ଟେଟ ବ୍ୟାଙ୍କ ପ୍ରତିଶ୍ରୁତି ଦେଇଛି ।
ଫ୍ରିଙ୍ଗର ପ୍ରିଣ୍ଟ ନ ମିଶିବାରୁ ତିନି ମାସ ଧରି ମିଳୁନି ବୃଦ୍ଧାଙ୍କୁ ପେନସନ ମିଳିଲାନି । ପେନସନ ପାଇଁ ଯାଇ ଥରେ ଗୋଡ଼ ବି ଭାଙ୍ଗିଯାଇଥିଲା । ପରିଣତ ବୟସରେ ଭଙ୍ଗା ଗୋଡ଼ରେ ଚାଲି ଚାଲି ପେନସନ ପାଇଁ ଯାଇଥିଲେ । ନବରଙ୍ଗପୁର ଝରିଗାଁ ବ୍ଲକ ବଣୁଆଗୁଡାର ସୂର୍ଯ୍ୟ ହରିଜନ । ଚାଲିବା ଲାଗି ଶକ୍ତି ନାହିଁ, କି ଜୋରରେ କଥା ବି ପାଟିରୁ ବାହାରୁ ନାହିଁ । ଖାଲି ପାଦରେ ଏକୁଟିଆ ଗୋଟିଏ ଚୌକି ଭରସାରେ ଚାଲିଚାଲି ଯାଉଥିଲେ ପେନସନ୍ ପାଇଁ । ପେନସନ ପାଇଁ ଯାଇ ଗୋଡ଼ ହରେଇଲା ହେଲେ ମିଳିଲା ନାହିଁ ପେନସନ । ଯେଉଁଠିକୁ ଗଲେ ଆଙ୍ଗୁଠି ମିଶୁନଥିବା କହି ଫେରେଇ ଦେଲେ ।