ଆବର୍ଜନା କୁଣ୍ଡ ପାଲଟିଛି ସୋନପୁର ରାଜଉଆସ : ଗଡ଼ଜାତ ସଂସ୍କୃତି, ପରମ୍ପରା ଓ ସଭ୍ୟତା ବଖାଣୁଥିବା ରାଜବାଟୀ ଏବେ ଭଗ୍ନପ୍ରାୟ, ହେଲେ ଚୁପ୍ ବସିଛି ଜିଲ୍ଲା ପ୍ରଶାସନ
କନକ ବ୍ୟୁରୋ : ଶ୍ରୀହୀନ ହୋଇପଡ଼ିଛି ସୋନପୁର ରାଜପ୍ରାସାଦ । ରାଜାରାଜୁଡ଼ା ଶାସର ନାହିଁ କି ରାଜପ୍ରସାଦାର ଶୋଭା ମଧ୍ୟ ଆଉ ନାହିଁ । ଗଡ଼ଜାତର ସଂସ୍କୃତି, ପରମ୍ପରା ଓ ସଭ୍ୟତା ବଖାଣୁଥିବା ରାଜଉଆସ ଆଜି ପରିତ୍ୟକ୍ତ ହୋଇପଡ଼ିଛି । ଗଛ, ଲତା ଓ ଆବର୍ଜନାରେ ଭରିଯାଇଛି ରାଜଉଆସ । ରକ୍ଷାଣାବେକ୍ଷଣ ଅଭାବରୁ ଅବହେଳିତ ହୋଇପଡ଼ିଛି ସୋନପୁର ରାଜପ୍ରାସାଦ । ହେଲେ ଜିଲ୍ଳା ପ୍ରଶାସନର ଏଥିପ୍ରତି ନିଘା ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୋନପୁର ରାଜ ମହଲ ଯାହା ଦିନେ ନିଜର କଳା, ସାହିତ୍ୟ, ସଂସ୍କୃତି ତଥା ସ୍ଥାପତ୍ୟ ପାଇଁ ସାରା ଓଡ଼ିଶାରେ ନାମ କରିଥିଲା ଆଜି ଏକ ଆବର୍ଜନା କୁଣ୍ଡ। ଓଡ଼ିଶା ସରକାର ତଥା ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକଥା ।@BBSRBuzz @DM_Subarnapur @CMO_Odisha @odisha_tourism @VAdkri @discoverbbsr @OdiaCulture @OdiaHistory pic.twitter.com/cOF8494izD
— Shibashish Mahapatra (@shibashish_shre) August 10, 2019
ସୋନପୁରର ଇତିହାସ ଗଢ଼ିଥିବା ରାଜାଙ୍କ ଉଆସ ଆଜି ଦୁର୍ଦ୍ଦିନରେ । ମହାନଦୀ କୂଳରେ ଛିଡ଼ିହୋଇଛି ରାଜପ୍ରାସାଦ । ରାଜପ୍ରାସାଦର ପୂର୍ବ ଚମକ ଆଉ ନାହିଁ । ରାଜତନ୍ତ୍ରର ଗାଥା ଗାଉଥିବା ରାଜପ୍ରାସାଦ ମଳିନ ପଡ଼ିଛି । ସୁବର୍ଣ୍ଣପୁରର ଇତିହାସ ପରମ୍ପରା, କଳା ସଂସ୍କୃତିକୁ ବଜାୟ ରଖିଥିବା ରାଜପ୍ରଦାସର ଆଜି ବିପଦରେ । ରାଜ ପରିବାର ଉଆସ ଛାଡ଼ିବା ପରେ ସାଧାରଣ ଲୋକଙ୍କ ପାଇଁ ପାଲଟିଥିଲା ପର୍ଯ୍ୟଟନ ସ୍ଥଳୀ । ରାଜଉଆସରେ ଏବେ ଶୂନ୍ୟତା ମାଡ଼ିପଡ଼ୁଛି ।
ହେଲେ ରାଜରାଜୁଡ଼ା ଶାସନର ମୁକସାକ୍ଷୀ ପାଲଟି ଛିଡ଼ା ହୋଇଛି ସୋନପୁର ରଜଉଆସ । ବ୍ୟକ୍ତିଗତ ଭାବେ ଅନେକ ଲୋକ ଚେଷ୍ଟା କରିଥିଲେ ହେଁ କିଛି ସୁଫଳ ମିଳିନି । ଓଡ଼ିଶାରେ ସ୍ୱତନ୍ତ୍ର କୀର୍ତ୍ତିମାନ ସୃଷ୍ଟି କରିଥିବା ସୁବର୍ଣ୍ଣପୁର ରାଜପ୍ରାସାଦର ସ୍ଥିତିରେ ସୁଧାର ଆଣିବା ଜରୁରୀ । ଆଉ ଏଥିପାଇଁ ରାଜବାଟୀର ରକ୍ଷାଣାବକ୍ଷେଣ ଉପରେ ଜିଲ୍ଲା ପ୍ରଶାସନ ନଜର ପକାଇବା ଉଚିତ ।