ଲାଲକିଲ୍ଳାରୁ ମୋଦୀଙ୍କ ବଡ ଘୋଷଣା । ଏବେ ସୈନିକ ସ୍କୁଲରେ ଆଡମିସନ ନେଇ ପାରିବେ ଝିଅ । କ୍ରୀଡାକୁ ପାଠ୍ୟକ୍ରମରେ କରାଯିବ ସାମିଲ ।
କନକ ବ୍ୟୁରୋ: ପୃଥିବୀର ସବୁଠାରୁ ବଡ ଗଣତନ୍ତ୍ର ତଥା ଭାରତର ୭୫ ତମ ସ୍ୱାଧୀନତା ଦିବସ ପାଳନର ମୁହୂର୍ତ୍ତ ଅନେକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଥିଲା । ପ୍ରଧାନମନ୍ତ୍ରୀ ମୋଦୀ ନିଜ ଅଭିଭାଷଣରେ ଦେଶର ଆଭିମୁଖ୍ୟ ସାରା ବିଶ୍ୱ ଆଗରେ ବୟାନ କରୁଥିଲେ । ତେବେ ଅଲିମ୍ପିକରେ ଯାଇ ଭାରତ ପାଇଁ ଗୌରବ ଆଣିଥିବା ଖେଳାଳୀଙ୍କ ପାଇଁ ଆଜି ଲାଲକିଲ୍ଲାରେ ତାଳିର ଗୁଞ୍ଜରଣ ଶୁଣିବାକୁ ମିଳୁଥିଲା ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ, ସ୍ପୋର୍ଟସ୍ ବା କ୍ରୀଡା ଏଥର ଆଉ ଏକ୍ସଟ୍ରା କରିକୁଲାର ଆକ୍ଟିଭିଟି ହୋଇରହିବନାହିଁ, ଏହା ଏବେ ପାଠ୍ୟକ୍ରମରେ ସାମିଲ ହେବ ବୋଲି ପ୍ରଧାନମନ୍ତ୍ରୀ କହିଛନ୍ତି । ତା ସହିତ ପ୍ରଧାନମନ୍ତ୍ରୀ ଆଉ ଏକ ଗୁରୁତ୍ୱପୂର୍ଣର୍ ଘୋଷଣା କରି କହିଥିଲେ ଯେ, ଏବେ ଠାରୁ ଦେଶର ସମସ୍ତ ସୈନିକ ସ୍କଲରେ ଝିଅମାନେ ଆଡମିସନ୍ ନେଇପାରିବେ । ମିଜୋରାମରେ ପ୍ରଥମେ ଏହି ପ୍ରୟୋଗ କରାଯାଇଥିଲା । ଏହି ଅବସରରେ ପ୍ରଧାନମନ୍ତ୍ରୀ କହିଥିଲେ ୭୫ ସପ୍ତାହ ମଧ୍ୟରେ ୭୫ଟି ବନ୍ଦେ ଭାରତ ଏକ୍ସପ୍ରେସ ଟ୍ରେନ୍ ଚାଲୁ ହେବ । ଏହା ଏକ ସେମି ହାଇସ୍ପିଡ ଟ୍ରେନ୍ । ଏହା ଛଡା ପ୍ରଧାନମନ୍ତ୍ରୀ କହିଛନ୍ତି ଜାତୀୟ ଭିତ୍ତିଭୂମି ମାଷ୍ଟରପ୍ଲାନ, ଗତିଶକ୍ତି ଯୋଜନାରେ ୧୦୦ଲକ୍ଷ କୋଟି ଟଙ୍କା ଖର୍ଚ୍ଚ କରାଯିବ ।