କନକ ବ୍ୟୁରୋ: ସାରାଦେଶରେ ହନୁମାନ ଜୟନ୍ତୀ ପାଳନ ଭିତରେ ପ୍ରତିଷ୍ଠା ଦିବସ ପାଳିଛି ଭାରତୀୟ ଜନତା ପାର୍ଟି । ୪୪ତମ ପ୍ରତିଷ୍ଠା ଦିବସରେ ଦେଶବ୍ୟାପୀ ବିଜେପି କର୍ମୀଙ୍କୁ ଭର୍ଚୁଆଲ ମାଧ୍ୟମରେ ସମ୍ବୋଧିତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ବିଜେପିର ଆଗାମୀ ରାଜନୈତିକ ଭବିଷ୍ୟତ ପାଇଁ ୫ଟି ବଡ଼ ମନ୍ତ୍ର ଦେଇଛନ୍ତି ପ୍ରଧାନମନ୍ତ୍ରୀ ମୋଦୀ ।
ମୋଦୀଙ୍କ ମନ୍ତ୍ର- ୧
– ହନୁମାନଙ୍କ ପରି ନିଜ ଭିତରେ ଥିବା ଶକ୍ତିକୁ ଚିହ୍ନିିଲେ ସବୁ ଅସମ୍ଭବ ସମ୍ଭବ ହେବ
– ୨୦୧୪ ପୂର୍ବରୁ ଭାରତୀୟଙ୍କ ଭିତରେ ସେହି ଆତ୍ମବିଶ୍ୱାସ ନଥିଲା, ଯାହା ବଦଳିଛି
– ଏବେ ମହାବୀରଙ୍କ ଭଳି ଦେଶର ନାଗରିକ ନିଜ ଭିତରେ ସୁପ୍ତ ଶକ୍ତିକୁ ଚିହ୍ନି ପାରିଛନ୍ତି
Kanak News is now on WhatsApp
Join and get latest news updates delivered to you via WhatsApp
୨୦୧୪ରେ ହୋଇଥିବା କ୍ଷମତା ପରିବର୍ତନକୁ ଦେଶର ପୁନର୍ଜାଗରଣ ବୋଲି କହିବା ସହ ବିରୋଧୀଙ୍କ ଉପରେ ଖୁବ ବର୍ଷିଛନ୍ତି ପ୍ରଧାନମନ୍ତ୍ରୀ । ଦୁର୍ନୀତି ଓ ପରିବାରବାଦକୁ ସମାଲୋଚନା କରିଛନ୍ତି ମୋଦୀ । ସାମାଜିକ ନ୍ୟାୟ ନାଁରେ ବିରୋଧୀ ଦଳିତ ଓ ପଛୁଆବର୍ଗଙ୍କୁ ଉପେକ୍ଷା କରି କେବଳ ନିଜର ଲାଭ ଦେଖୁଥିବା ସେ ଅଭିଯୋଗ କରିଛନ୍ତି । ଏଥିସହ ୨୦୨୪ ନିର୍ବାଚନ ପାଇଁ ବିଜେପିର ରୋଡମ୍ୟାପ ସମ୍ପର୍କରେ ସୂଚନା ଦେଇଛନ୍ତି । ବିଜେପିର ରାଜନୈତିକ ଭବିଷ୍ୟତ ଉପରେ ମଧ୍ୟ ଜୋର ଦେଇଛନ୍ତି ପ୍ରଧାନମନ୍ତ୍ରୀ ।
ମୋଦୀଙ୍କ ମନ୍ତ୍ର- ୨
– ଇନଷ୍ଟାଗ୍ରାମ୍, ୟୁ-ଟ୍ୟୁବ୍, ଫେସବୁକ୍, ଟ୍ୱିଟରରେ ଦେଶର ଯୁବବର୍ଗଙ୍କ ସହ ଯୋଡ଼ି ହେବାକୁ କର୍ମୀଙ୍କୁ ପରାମର୍ଶ
ମୋଦୀଙ୍କ ମନ୍ତ୍ର- ୩
– ଦୀର୍ଘ ରାଜନୈତିକ ଭବିଷ୍ୟତ ପାଇଁ ଆମକୁ ପ୍ରସ୍ତୁତି କରିବାକୁ ପଡି଼ବ, ଏଥିପାଇଁ ନିର୍ବାଚିତ ପ୍ରତିନିଧି ଦଳର କର୍ମୀଙ୍କୁ ପ୍ରଶିକ୍ଷଣ ଦେବେ
ମୋଦୀଙ୍କ ମନ୍ତ୍ର- ୪
– ହନୁମାନଙ୍କୁ ରାକ୍ଷସଙ୍କ ସାମ୍ନା କରିବାକୁ କଠୋର ହେବାକୁ ପଡିଥିଲା, ତେଣୁ ପରିବାରବାଦ ଓ ଦୁର୍ନୀତି ବିରୋଧରେ କଠୋର ହେବାକୁ ପଡି଼ବ
ମୋଦୀଙ୍କ ମନ୍ତ୍ର- ୫
– ସାମାଜିକ ନ୍ୟାୟ ନାଁରେ କିଛି ଲୋକ କେବଳ ନିଜ ପରିବାରର ମଙ୍ଗଳ ଚିନ୍ତା କରୁଛନ୍ତି, ସେମାନଙ୍କୁ ଚିହ୍ନିବାକୁ ହେବ
ଜନସଂଘରୁ ଅଲଗା ହେବା ପରେ ୧୯୮୦ରେ ପ୍ରତିଷ୍ଠା ହୋଇଥିଲା ଭାରତୀୟ ଜନତା ପାର୍ଟି । ସେତେବେଳେ ଦଳ ମାତ୍ର ୨ଟି ଲୋକସଭା ଆସନ ଜିତିଥିବାବେଳେ ଏହାରି ଭିତରେ ଲୋକସଭାରେ ୩୦୨ ଓ ରାଜ୍ୟସଭାରେ ୯୩ ଆସନରେ ପହଞ୍ଚିପାରିଛି । ସେହିପରି ୧୬ଟି ରାଜ୍ୟରେ କ୍ଷମତା ହାସଲ କରିଛି ବିଜେପି । ୩୦ ରାଜ୍ୟରେ ବିଜେପିର ୧ ହଜାର ୪୨୧ ବିଧାୟକ ଅଛନ୍ତି ।