କୱାଲି କାର୍ଯ୍ୟକ୍ରମରେ ଟଙ୍କା ଉଡ଼ାଇବା ପ୍ରସଙ୍ଗରେ ସଫେଇ ରଖିଲେ ମନ୍ତ୍ରୀ ସାରଦା ନାୟକ । ଟଙ୍କା ଉଡ଼ାଇବା କଥାକୁ ହାସ୍ୟାସ୍ପଦ କହିଲେ ମନ୍ତ୍ରୀ
କନକ ବ୍ୟୁରୋ: କୱାଲୀ ଗୀତରେ ଟଙ୍କା ଉଡ଼ାଇବା ଘଟଣାରେ ସଫେଇ ରଖିଛନ୍ତି ମନ୍ତ୍ରୀ ଶାରଦା ନାୟକ । କହିଛନ୍ତି, କୱାଲୀ ଗାୟକଙ୍କୁ ସମ୍ମାନିତ କରିବା ପାଇଁ ଜଣେ ଦର୍ଶକ ଭାବେ ମୁଁ ସେଠାକୁ ଯାଇଥିଲି । ସେଠାରେ କୱାଲି ଗାୟକ ଜଣକ, ଭାରତକୁ ବିଶ୍ୱକପ୍ ଜିତିବା ପାଇଁ ଶୁଭେଚ୍ଛା ଜଣାଇଥିଲେ । ଯେଉଁ ଟଙ୍କା ଉଡ଼ିଛି, ତାହା ମୋ ପକେଟରୁ ଯାଇନାହିଁ କି ତାହା କଳାଧନ ନୁହେଁ । ତେଣୁ ଯେଉଁମାନେ ଏହାକୁ ଟଙ୍କା ଉଡ଼ାଇବା କଥା କହୁଛନ୍ତି, ତାହା ହାସ୍ୟାସ୍ପଦ ବୋଲି ମନ୍ତ୍ରୀ କହିଛନ୍ତି । ସେହିପରି ରକ୍ତଦାନ ଶିବିର ଏବଂ ଡନ୍ ଗୀତରେ ନାଚିବା ପ୍ରସଙ୍ଗରେ ମଧ୍ୟ ସଫେଇ କରିଛନ୍ତି ଶାରଦା ନାୟକ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଯେ, କିଛି ଦିନ ତଳେ ଷ୍ଟେଜ ଉପରେ ମେଁ ହୁଁ ଡନ ଗୀତରେ ନୃତ୍ୟ କରି ଚର୍ଚ୍ଚାକୁ ଆସିଥିଲେ ମନ୍ତ୍ରୀ ଶାରଦା ନାୟକ । ଏବେ କୱାଲି କାର୍ଯ୍ୟକ୍ରମରେ ଟଙ୍କା ଉଡାଇ ମନ୍ତ୍ରୀ ସାରଦା ନାୟକ ପୁଣି ଚର୍ଚ୍ଚାକୁ ଆସିଛନ୍ତି । କେତେବେଳେ ମନ୍ତ୍ରୀ ୫ଶହ ଟଙ୍କିଆ ବିଡା ଉଡାଉଥାନ୍ତି, ପୁଣି କେତେବେଳେ ବିଡାରୁ ନୋଟ କାଢି ଗୋଟିଏ ପରେ ଗୋଟିଏ ଗାୟକଙ୍କ ହାତକୁ ବଢାଇ ଦେଉଥାନ୍ତି । ସୁନ୍ଦରଗଡ ହୋଟେଲ ଜେଡିଆର ଠାରେ ଆୟୋଜିତ କୱାଲି କାର୍ଯ୍ୟକ୍ରମରେ ଦେଖିବାକୁ ମିଳିଛି ଏଭଳି ଦୃଶ୍ୟ । ମୁସଲିମ ୟୁଥ କମିଟି ପକ୍ଷରୁ ଆୟୋଜିତ କୱାଲି କାର୍ଯ୍ୟକ୍ରମରେ ଗୀତ ପରିବେଷଣ କରୁଥିଲେ ରାଇସ ଅନିସ ସାବରୀ । ସୋସିଆଲ ମିଡିଆରେ ସେନସେସନ ପାଲିଟଥିବା ସାଁପ ଡସେ ତୋ ଦୋସ୍ତ ବଚାଏ । ଦୋସ୍ତ ଡସେ ତୋ କୌନ ବଚାଏ ଗୀତରେ ଉଡିଥିଲା ପୂଳାପୂଳା ଟଙ୍କା । କିଏ ୫୦୦ ଟଙ୍କିଆ ତ ଆଉ କିଏ ଶହେ, କିଏ ୨୦୦ ଟଙ୍କିଆ ନୋଟ ପୁଣି କେହି କେହି ୧୦ ଟଙ୍କିଆ, ୨୦ ଟଙ୍କିଆ ନୋଟ୍ ଉଡାଉଥିଲେ । ଏପରି କି ମନ୍ତ୍ରୀ ସାରଦା ନାୟକ ମଧ୍ୟ ପଛରେ ନଥିଲେ । ସେ ମଧ୍ୟ ଟଙ୍କା ଉଡାଇଥିଲେ ।
କେତେବେଳେ ମନ୍ତ୍ରୀ କୱାଲି ଗାୟକଙ୍କ ମୁଣ୍ଡ ଉପରେ ଟଙ୍କା ଉଡାଉଥିଲେ ତ କେତେ ବେଳେ ଗାୟକଙ୍କ ହାତକୁ ଗୋଟିଏ ପରେ ଗୋଟିଏ ନୋଟ ବଢାଇ ଦେଉଥିଲେ । ପୂର୍ବରୁ ମେଁ ହୁଁ ଡନ ଗୀତରେ ମଞ୍ଚ ଉପରେ ନାଚି ଚର୍ଚ୍ଚାକୁ ଆସିଥିବା ମନ୍ତ୍ରୀ ଏବେ ନୋଟ ଉଡାଇ ଚର୍ଚ୍ଚାକୁ ଆସିଛନ୍ତି ।