କନକ ବ୍ୟୁରୋ: ଆନ୍ଧ୍ରପ୍ରଦେଶ ଅନନ୍ତପୁରରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ବିବାହ ଭୋଗି ଖାଇ ଘରକୁ ଫେରୁଥିବା ସମୟରେ କାରକୁ ସାମନା ପଟୁ ଏକ ଟ୍ରକ୍ ଧକ୍କା ଦେବାରୁ ଘଟଣାସ୍ଥଳରେ ୯ ଜଣଙ୍କର ମୃତ୍ୟୁ ହୋଇଥିବାବେଳେ ୬ଜଣ ଗୁରୁତର ହୋଇଛନ୍ତି । ମୃତକଙ୍କ ମଧ୍ୟରେ ଡ୍ରାଇଭର ସେମେତ ୬ଜଣ ମହିଳା ଓ ୨ଜଣ ଶିଶୁ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୋଲିସର ସୂଚନା ମୁତାବକ, ଏହି ଘଟଣାରେ ପ୍ରାଣ ହରାଇଥିବା ଲୋକେ ରବିବାର କର୍ଣ୍ଣାଟକର ବେଲୋରୀ ଗାଁଓକୁ ବିବାହ ଉତ୍ସବରେ ଯୋଗ ଦେବାକୁ ଯାଇଥିଲେ । ସେଠାରୁ ରାତିରେ ଉରୱାକୋଣ୍ଡା ଫେରୁଥିବାବେଳେ ଏହି ଦୁର୍ଘଟଣା ଘଟିଛି । ସାମନା ପଟୁ କାରକୁ ଧକ୍କା ଦେଇଥିବା ଟ୍ରକର ବେଗ ଏତେ ଅଧିକ ଥିଲା ଯେ ତାହା କାର ଉପରକୁ ମାଡିଯାଇଥିଲା । ଫଳରେ କାରଟି ଭୟଙ୍କର ଭାବେ ଦୁର୍ଘଟଣାଗ୍ରସ୍ତ ହୋଇଥିଲା । ଏହାସହ କାରଟି ଏପରି ଭାବେ କ୍ଷତିଗ୍ରସ୍ତ ହୋଇଥିଲା ଯେ, ଏଥିରୁ ଲୋକଙ୍କୁ କାଢିବା କଷ୍ଟକର ହୋଇଥିଲା । ତେବେ ଏଯାଏଁ ମୃତକଙ୍କ ପରିଚୟ ମିଳିନଥିବା ପୋଲିସ କହିଛି ।