କନକ ବ୍ୟୁରୋ : ମହାନଦୀ ଜଳ ବିବାଦର ସମାଧାନ ପାଇଁ ହେବନି ଅଲଗା ଟ୍ରିବ୍ୟୁନାଲ୍ । ରାଜ୍ୟ-ରାଜ୍ୟ ମଧ୍ୟରେ ଦେଖାଦେଇଥିବା ଜଳ ବିବାଦର ବିଚାର ଗୋଟିଏ ସ୍ଥାୟୀ ଟ୍ରିବ୍ୟୁନାଲ କରିବେ । ଏନେଇ ସ୍ପଷ୍ଟ କରିଛନ୍ତି କେନ୍ଦ୍ର ସରକାର ।
Kanak News is now on WhatsApp
Join and get latest news updates delivered to you via WhatsApp
ଆନ୍ତଃ ରାଜ୍ୟ ଜଳ ବିବାଦ ଆଇନ୍ ୧୯୫୬ର ସଂଶୋଧନ ପ୍ରସ୍ତାବ ଆସନ୍ତା ବଜେଟ୍ ଅଧିବେଶନରେ ଆଗତ ହେବ ବୋଲି ଜଣାପଡିଛି । ତେବେ କେନ୍ଦ୍ର ସରକାରଙ୍କ ଗୋଟିଏ ସ୍ଥାୟୀ ଟ୍ରିବ୍ୟୁନାଲ୍ ଗଠନ ନେଇ ନିଷ୍ପତି ପରେ ଓଡିଶା-ଛତିଶଗଡର ମହାନଦୀ ଜଳ ବିବାଦର ସମାଧାନ ପ୍ରକ୍ରିୟା ତ୍ୱରାନ୍ୱିତ ଦେବା ଦିଗରେ ଆଶଙ୍କା ସୃଷ୍ଟି ହୋଇଛି ।
ମହାନଦୀ ବିବାଦର ସମାଧାନ ପାଇଁ ସ୍ୱତନ୍ତ୍ର ଟ୍ରିବ୍ୟୁନାଲ ଗଠନ କରିବା ପାଇଁ କେନ୍ଦ୍ର ଜଳସମ୍ପଦ ମନ୍ତ୍ରାଳୟ ନିକଟରେ ପିଟିସନ୍ ଦାଖଲ କରିଥିଲେ ରାଜ୍ୟ ସରକାର । ବିଭିନ୍ନ ରାଜ୍ୟରେ ଦେଖାଦେଇଥିବା ଜଳ ବିବାଦର ବିଚାର ପାଇଁ ଏବେ ଦେଶର ଆଠଟି ଟ୍ରିବ୍ୟୁନାଲ କର୍ଯ୍ୟ କରୁଛି ।
ତେବେ ଆଗକୁ ହେବାକୁ ଥିବା ସ୍ଥାୟୀ ଟ୍ରିବ୍ୟୁନାଲରେ ଏ ଆଠଟି ଯାକ ଟ୍ରିବ୍ୟୁନାଲକୁ ମିଶାଇ ଦିିଆଯିବ । ସ୍ଥାୟୀ ଟ୍ରିବ୍ୟୁନାଲର ଅଧ୍ୟକ୍ଷ ଭବେ ଜଣେ ଅବସରପ୍ରାପ୍ତ ବିଚାରପତିଙ୍କୁ ନିଯୁକ୍ତି ଦିଆଯିବ ।