କନକ ବ୍ୟୁରୋ : ଦିଲ୍ଲୀରେ ପ୍ରବାସୀ ଓଡ଼ିଆ ବିକାଶ ସମିତି ପକ୍ଷରୁ ମହା ବିଷୁବ ସଂକ୍ରାନ୍ତି ମିଳନ କାର୍ଯ୍ୟକ୍ରମ ଭାରତୀୟ ଜନସଞ୍ଚାର ସଂସ୍ଥାନରେ ପାଳିତ ହୋଇଛି । କେନ୍ଦ୍ରମନ୍ତ୍ରୀ ମିନାକ୍ଷୀ ଲେଖି ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ପ୍ରବାସୀ ଓଡ଼ିଆ ବିକାଶ ସମିତିକୁ ପ୍ରଶଂସା କରି ସେ କହିଛନ୍ତି, ଓଡ଼ିଶାକୁ ବାହାରେ ତା’ର ସଂସ୍କୃତି ବଞ୍ଚାଇ ରଖିଛି । ଏହାସହ ମହାପ୍ରଭୁ ଜଗନ୍ନାଥ କିପରି ଭାରତକୁ ସାମାଜିକ ସମରସତାରେ ବାନ୍ଧି ରଖିଛନ୍ତି, ସେ ମଧ୍ୟ କହିଥିଲେ କେନ୍ଦ୍ରମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମରେ ରାଷ୍ଟ୍ରୀୟ ସ୍ୱୟଂସେବକ ସଂଘର ବରିଷ୍ଠ ପ୍ରଚାରକ ଗୋପାଳ ଆର୍ଯ୍ୟ ଯୋଗଦେଇ ଓଡ଼ିଶାର ଜଳ, ଜଙ୍ଗଲ, ଜମି, ଜମା ସମ୍ପଦ ବିଷୟରେ ଆଲୋଚନା କରିଥିଲେ । ସମିତିର ସଭାପତି ସୂର୍ଯ୍ୟନାରାୟଣ ମିଶ୍ର କାର୍ଯ୍ୟକ୍ରମର ସଭାପତିତ୍ୱ କରିଥିବା ବେଳେ ରାଜ୍ୟସଭା ସାଂସଦ, ଅମର ପଟ୍ଟନାୟକ, ପିଟିଆଇର ସମ୍ପାଦକ, ରାଜେଶ ମହାପାତ୍ର, ସୁଧାଂଶୁ ଷଡଙ୍ଗୀ ଯୋଗ ଦେଇ ଓଡ଼ିଶା ବିକାଶ ସମ୍ପର୍କରେ ଅବଗତ କରାଇଥିଲେ ।
ଅନ୍ୟମାନଙ୍କ ମଧ୍ୟରେ ଯତୀନ୍ଦ୍ରନାଥ ସ୍ୱାଇଁ, ସୁରଜିତ ଭୁଜବଳ, ରଞ୍ଜନ ମହାପାତ୍ର, ଶୁଭମୟ ଭଟ୍ଟାଚାର୍ଯ୍ୟ, କ୍ଷିତୀଶ କୁମାର ନାୟକ, ପ୍ରଫେସର ଦାମୋଦର ଆଚାର୍ଯ୍ୟ, ପ୍ରଫେସର ସତ୍ୟଭୂଷଣ ଦାଶ ସାମିଲ ହୋଇଥିଲେ । ପୂର୍ବରୁ କନଷ୍ଟିଟ୍ୟୁସନ୍ କ୍ଲବରେ ଆୟୋଜିତ ଭିଜନ ଓଡ଼ିଶା ୨୦୩୬/୨୦୮୬ କାର୍ଯ୍ୟକ୍ରମକୁ ଉଦଘାଟନ କରିଥିଲେ ଭାରତର ପୂର୍ବତନ ପ୍ରଧାନ ବିଚାରପତି ଦୀପକ କୁମାର ମିଶ୍ର ।